ஜேர்மனியில் கத்திக்குத்து தாக்குதல்: சந்தேகநபர் தொடர்பில் வெளியான அதிர்ச்சி தகவல்
மூன்று பேரைக் கொன்று எட்டு பேரைக் காயப்படுத்திய சோலிங்கன் நகரில் நடந்த கத்திக்குத்து தாக்குதலில் ஜேர்மன் பொலிஸ் காவலில் உள்ள சந்தேக நபர் 26 வயதான சிரிய நபர் என்று அதிகாரிகள் தெரிவித்துள்ளனர்.
சந்தேக நபர் சனிக்கிழமை பிற்பகுதியில் தனது குற்றத்தை ஒப்புக்கொண்டார் என்று டுசெல்டார்ஃப் காவல்துறை மற்றும் வழக்கறிஞர்கள் ஒரு கூட்டு அறிக்கையில் தெரிவித்தனர்.
இந்த நபரின் தொடர்பு குறித்து தற்போது தீவிர விசாரணை நடைபெற்று வருகிறது.
மேலும் சிரியா மற்றும் ஆப்கானிஸ்தானில் இருந்து மேலும் அகதிகளை அனுமதிப்பதை அந்நாடு நிறுத்த வேண்டும் என்று எதிர்க்கட்சி, மத்திய-வலது CDU கட்சியை வழிநடத்தும் ஒரு முக்கிய அரசியல்வாதியான ஃபிரெட்ரிக் மெர்ஸ் வலியுறுத்தியுள்ளார்.
“போதும்!” என்று அவர் தனது இணையதளத்தில் எழுதிய கடிதத்தில் கூறியுள்ளார்.
இந்த கத்திக்குத்து தாக்குதலுக்கு ஐ.எஸ். பயங்கரவாத அமைப்பு பொறுப்பேற்றுள்ளது. பாலஸ்தீனம் மற்றும் உலகின் பிற பகுதிகளில் இஸ்லாமியர்கள் மீது நடத்தப்படும் தாக்குதலுக்கு பழிவாங்கவே கிறிஸ்தவர்கள் மீது தாக்குதல் நடத்தப்பட்டுள்ளதாக ஐ.எஸ். பயங்கரவாத அமைப்பு தெரிவித்துள்ளது.
(Visited 2 times, 1 visits today)
