சிரிய மருத்துவருக்கு ஆயுள் தண்டனை விதித்த ஜெர்மன் நீதிமன்றம்

சிரிய மருத்துவர் ஒருவருக்கு, அவரது சொந்த நாட்டில் மனிதகுலத்திற்கு எதிரான குற்றங்களுக்காக ஜெர்மன் நீதிமன்றம் ஆயுள் தண்டனை விதித்துள்ளது.

40 வயதான ஆலா மௌசா, 2011 மற்றும் 2012 ஆம் ஆண்டுகளில், சிரியாவின் ஹோம்ஸ் மற்றும் டமாஸ்கஸில் உள்ள ஒரு இராணுவ மருத்துவமனை மற்றும் இராணுவ புலனாய்வு சிறையில் இளைய மருத்துவராகப் பணியாற்றினார்.

அரபு வசந்த காலத்தில் ஆட்சிக்கு எதிரான எழுச்சிகளில் பங்கேற்ற சிரிய சர்வாதிகாரி பஷர் அல்-அசாத்தின் எதிரிகளாகக் கருதப்பட்ட எதிர்க்கட்சி உறுப்பினர்கள் என்று குற்றம் சாட்டப்பட்ட கைதிகளை அவர் துஷ்பிரயோகம் செய்துள்ளதாக தெரிவிக்கப்பட்டுள்ளது.

பிராங்பேர்ட்டில் உள்ள நீதிமன்றத்தால் இரண்டு மரணங்கள் மற்றும் எட்டு கடுமையான சித்திரவதை வழக்குகளில் அவர் குற்றவாளி எனத் தீர்ப்பளிக்கப்பட்டார்.

போர்க்குற்றங்கள், சித்திரவதை மற்றும் கொலை உள்ளிட்ட குற்றங்களுக்காக அசாத்தின் ஆதரவாளரான அந்த நபருக்கு நீதிமன்றம் அதிகபட்ச தண்டனையை விதித்தது.

நீதிபதி கிறிஸ்டோஃப் கொல்லர், “ஒன்பது பேரை உடல் ரீதியாகவும் மன ரீதியாகவும் கடுமையாக காயப்படுத்தியதாகவும், இருவரைக் கொன்றதாகவும்” குறிப்பிட்டார்.