நியூயார்க்கில் $55 மில்லியனுக்கு விற்கப்பட்ட ஃப்ரிடா கஹ்லோவின்(Frida Kahlo) சுய உருவப்படம்

புகழ்பெற்ற மெக்சிகன்(Mexican) கலைஞர் ஃப்ரிடா கஹ்லோவின்(Frida Kahlo) சுய உருவப்படம் நியூயார்க்கில்(New York) $54.66 மில்லியனுக்கு விற்கப்பட்டுள்ளது.

இது ஒரு பெண்ணின் கலைப்படைப்புக்கான புதிய சாதனையை படைத்ததாக ஏல நிறுவனம் சோத்பிஸ்(Sotheby’s) தெரிவித்துள்ளது.

“கனவு படுக்கை” என்று மொழிபெயர்க்கப்பட்ட “எல் சூனோ”(El Sueño) என்ற தலைப்பில் ஃப்ரிடா கஹ்லோவின் 1940ம் ஆண்டு கலைப்படைப்பின் விற்பனை, அமெரிக்க கலைஞர் ஜார்ஜியா ஓ’கீஃப்(Georgia O’Keeffe) அமைத்த முந்தைய சாதனையை முறியடித்துள்ளது.

அவரது “ஜிம்சன் வீட்/வெள்ளை மலர்”(Jimson Weed/White Flower) என்ற ஓவியம் 2014ல் $44.4 மில்லியனுக்கு விற்கப்பட்டது.

வானத்தில் மேகங்களுக்கு மத்தியில் மிதப்பது போல் தோன்றும் ஒரு படுக்கையில் தூங்கும் கலைஞரை, டைனமைட்(dynamite) குச்சிகளால் சுற்றப்பட்ட கால்களுடன் கூடிய எலும்புக்கூட்டின் கீழ் படுத்திருப்பதை இந்த ஓவியம் சித்தரிக்கிறது.