ஒலிம்பிக்கில் தாக்குதல் நடத்த சதித்திட்டம் தீட்டிய நபர் பிரெஞ்சு பொலிஸாரால் கைது

இந்த கோடைகால ஒலிம்பிக் போட்டிகளின் போது பயன்படுத்தப்படும் கால்பந்து மைதானத்தை தாக்கும் திட்டம் தொடர்பாக தெற்கு பிரான்சில் ஒருவர் கைது செய்யப்பட்டதாக அதிகாரிகள் தெரிவித்துள்ளனர்.

செச்சென் வம்சாவளியைச் சேர்ந்த 18 வயது இளைஞன் செயிண்ட்-எட்டியெனில் இஸ்லாமியவாதிகளால் ஈர்க்கப்பட்ட தாக்குதலுக்கான ஆதாரங்களைக் கண்டறிந்த பின்னர் கைது செய்யப்பட்டார் என்று அதிகாரிகள் கூறுகின்றனர்.

உள்துறை மந்திரி Gérard Darmanin, விளையாட்டுகளை குறிவைத்த முதல் சதியை வெற்றிகரமாக முறியடித்ததற்காக உளவுத்துறையை பாராட்டினார்.

ஜூலை 26 ஆம் தேதி தொடங்கும் ஒலிம்பிக் போட்டிகளை முன்னிட்டு பிரான்ஸ் மிகுந்த எச்சரிக்கையுடன் உள்ளது குறிப்பிடத்தக்கது.

கைது செய்யப்பட்ட நபரின் பெயரை அதிகாரிகள் குறிப்பிடவில்லை.

மைதானத்தின் புகைப்படங்கள் மற்றும் வீடியோக்கள் அவரது தொலைபேசி மற்றும் கணினியில் காணப்பட்டதாகக் விசாரணையில் தெரியவந்துள்ளது.