ஐந்து ஜிஹாதிகள் குற்றவாளிகளுக்கு 22 ஆண்டுகள் வரை சிறை தண்டனை விதித்த பிரான்ஸ் நீதிமன்றம்!

இஸ்லாமிய அரசு பயங்கரவாதக் குழுவிற்காக பிரெஞ்சு பத்திரிகையாளர்களை சிரியாவில் சிறைபிடித்தமைக்காக ஐந்து ஜிஹாதிகள் குற்றவாளிகள் என நிரூபிக்கப்பட்டுள்ளது.

குற்றவாளிகளில் ஒருவரான 39 வயதான மெஹ்தி நெம்மௌச்சே, “கடந்த 10 ஆண்டுகளில் மிகவும் வக்கிரமான மற்றும் கொடூரமான ஜிஹாதிகளில் ஒருவர்” என்றும், “பச்சாதாபம் மற்றும் வருத்தம் இல்லாதவர்” என்றும் அரசுத் தரப்பு வர்ணித்துள்ளது.

ஆம், நான் ஒரு பயங்கரவாதி, அதற்காக நான் ஒருபோதும் மன்னிப்பு கேட்க மாட்டேன்” என்று தீர்ப்பு வருவதற்கு சில மணி நேரங்களுக்கு முன்பு நெம்மௌச்சே நீதிமன்றத்தில் தெரிவித்துள்ளார்.

“ஒரு நாள், ஒரு மணி நேரம் அல்லது ஒரு செயலுக்கு நான் வருத்தப்படவில்லை” என்று அவர் மேலும் கூறினார்.

இதனையடுத்து குற்றவாளிகளான நெம்மௌச்சேவுக்கு ஆயுள் தண்டனை விதிக்கப்பட்டது, மேலும் குறைந்தபட்சம் 22 ஆண்டுகள் சிறைத்தண்டனை அனுபவிக்க நேரிடும். அப்தெல்மலேக் தானெமுக்கு 22 ஆண்டுகள் சிறைத்தண்டனை விதிக்கப்பட்டது, கைஸ் அல் அப்துல்லாவுக்கு 20 ஆண்டுகள் சிறைத்தண்டனை விதிக்கப்பட்டது.