பணி நீக்கம் செய்யப்பட்ட சிறிது நேரத்திலேயே ரஷ்ய போக்குவரத்து அமைச்சர் தற்கொலை
ரஷ்யாவின் முன்னாள் போக்குவரத்து அமைச்சர் ரோமன் ஸ்டாரோவைட், ஜனாதிபதி விளாடிமிர் புடின் பணிநீக்கம் செய்த சில மணி நேரங்களுக்குப் பிறகு, தன்னைத்தானே சுட்டுக் கொண்டு தற்கொலை செய்து கொண்டுள்ளார்.
பணிநீக்கம் அறிவிக்கப்பட்ட பின்னர், ஸ்டாரோவாய்ட் மாஸ்கோ புறநகர்ப் பகுதியில் தன்னைத்தானே சுட்டுக் கொண்டதாக ரஷ்ய செய்தி நிறுவனங்கள் செய்தி வெளியிட்டுள்ளன.
நாட்டின் விசாரணைக் குழு, அவரது காரில் அவரது உடல் கண்டெடுக்கப்பட்டதாகக் தெரிவித்துள்ளது.
ரஷ்யாவின் சட்டத் தகவல் போர்ட்டலில் வெளியிடப்பட்ட புடினின் ஆணை, பணியில் ஒரு வருடம் மட்டுமே இருந்த நிலையில், ஸ்டாரோவைட் பணிநீக்கம் செய்யப்பட்டதற்கான எந்த காரணத்தையும் குறிப்பிடவில்லை.
உக்ரைனின் எல்லையை ஒட்டியுள்ள குர்ஸ்க் பிராந்தியத்தின் ஆளுநராக கிட்டத்தட்ட ஐந்து ஆண்டுகள் பணியாற்றிய பின்னர், மே 2024 இல் அவர் போக்குவரத்து அமைச்சராக நியமிக்கப்பட்டார்.
நோவ்கோரோட் பிராந்தியத்தின் முன்னாள் ஆளுநரான ஆண்ட்ரி நிகிடின், தற்காலிக போக்குவரத்து அமைச்சராக நியமிக்கப்பட்டதாக கிரெம்ளின் தெரிவித்துள்ளது.
(Visited 1 times, 1 visits today)
