வேல்ஸில் உள்ள Reform UK கட்சியின் முன்னாள் தலைவருக்கு 10 ஆண்டுகள் சிறைத்தண்டனை

ஐரோப்பிய நாடாளுமன்றத்தில் ரஷ்யாவுக்கு ஆதரவான அறிக்கைகளை வெளியிட லஞ்சம் வாங்கியதற்காக வேல்ஸில்(Wales) உள்ள Reform UK கட்சியின் முன்னாள் தலைவருக்கு சிறைத்தண்டனை விதிக்கப்பட்டுள்ளது.

ஓல்ட் பெய்லி(Old Bailey) என்று அழைக்கப்படும் லண்டனின் மத்திய குற்றவியல் நீதிமன்றம், 52 வயதான நாதன் கில்லுக்கு(Nathan Gill) 10 ஆண்டுகள் மற்றும் ஆறு மாத சிறைத்தண்டனை விதித்துள்ளது.

ஐரோப்பிய நாடாளுமன்றத்தின் முன்னாள் உறுப்பினரும், வேல்ஸில் உள்ள Reform UK கட்சியின் முன்னாள் தலைவருமான கில், 2018 மற்றும் 2019 க்கு இடையில் உக்ரைனில்(Ukraine) உள்ள ரஷ்ய(Russia) சார்பு அரசியல்வாதியிடமிருந்து ஆயிரக்கணக்கான யூரோக்களைப் பெற்றதாகவும், அவரது உத்தரவின் பேரில் திரைக்கதை(script) செய்யப்பட்ட அறிக்கைகள் மற்றும் தொலைக்காட்சி நிகழ்ச்சிகளை நடத்தியதாகவும் செப்டம்பர் மாதம் குற்றத்தை ஒப்புக்கொண்டார்.

“நீங்கள் வெளிநாட்டினரிடமிருந்து பணம் பெற்றீர்கள், அவர்களின் வேண்டுகோளின் பேரில் முக்கியமான சர்வதேச விஷயங்களில் அறிக்கைகளை வெளியிட்டீர்கள்” என்று நீதிபதி பாபி சீமா-க்ரப்(Bobbie Cheema-Grubb) தண்டனை வழங்கப்பட்டபோது குறிப்பிட்டுள்ளார்.