ஸ்பெயினை உலுக்கிய தீ விபத்து – முதியோர் இல்லத்தில் 10 பேர் பலி

ஸ்பெயினின் வடபகுதியில் இருக்கும் முதியோர் இல்லத்தில் ஏற்பட்ட தீ விபத்தில் 10 பேர் உயிரிழந்துள்ளனர்.

ஒருவர் இக்கட்டான நிலையில் இருப்பதாகவும் சிலர் புகை சுவாசித்ததற்குச் சிகிச்சை நாடுவதாகவும் வட்டார அரசாங்கப் பேச்சாளர் தெரிவித்துள்ளார்.

பாதிக்கப்பட்ட அனைவரும் இல்லத்தின் குடியிருப்பாளர்களா என்பது தெளிவாகத் தெரியவில்லை.

வில்லாபிராங்கா டெல் எப்ரோ (Villafranca del Ebro) வட்டாரத்திலுள்ள இல்லத்தில் ஸ்பெயினின் நேரப்படி அதிகாலை 5 மணிக்கு தீ விபத்து ஏற்பட்டுள்ளது.

சுமார் 35 கிலோமீட்டர் தொலைவிலிருந்து முதியோர் இல்லத்துக்குச் சென்ற தீயணைப்பாளர்கள் நெருப்பை அணைப்பதற்குச் சில மணிநேரம் எடுத்துக்கொண்டனர்.

முதியோர் இல்லத்தில் 82 பேர் வசித்ததாகத் தெரிகிறது. எனினும் எப்படி தீ விபத்து ஏற்பட்டது என்று விசாரிக்கப்படுகிறது.

தொடர்புடைய செய்திகள்:

வாக்னர் கூலிப்படை தொடர்பில் புட்டின் அதிரடி நடவடிக்கை! பிரான்ஸில் உறங்கிக் கொண்டிருந்த சிறுவனுக்கு காத்திருந்த அதிர்ச்சி வேலை விசா விண்ணப்பங்களுக்கான புதிய நடைமுறையை அறிமுகப்படுத்திய போலந்து மருத்துவமனை விட்டு வெளியேறிய இளவரசி அன்னே கைதிகளின் தற்கொலைகள் அதிகரிப்பு: இத்தாலி அரசாங்கத்தின் புதிய திட்டம் 1,500 ராணுவ வீரர்களை ரஷியாவுக்கு அனுப்பியுள்ள வடகொரியா! அமெரிக்கா விடுத்துள்ள எச்சரிக்கை