இளைஞர்களிடம் பெரும்தொகை பணத்தை ஏமாற்றிய பிரபல அரசியல்வாதி

இளைஞர்கள் குழுவொன்றுக்கு வெளிநாட்டு தொழில்வாய்ப்பு வழங்குவதாக கூறி 20 மில்லியன் ரூபா மோசடி செய்ததாக குற்றம் சுமத்தப்பட்டுள்ள ஸ்ரீலங்கா சுதந்திரக் கட்சியின் பத்தேகம தொகுதி அமைப்பாளர் மலிக் குணவர்தனவை கைது செய்வதற்கான விசாரணைகளை காலி பொலிஸார் மேற்கொண்டு வருகின்றனர்.

காலி, ரத்கம, புஸ்ஸ, யக்கலமுல்ல மற்றும் அங்குலகஹா பிரதேசங்களில் இளைஞர்கள் குழுவொன்று இந்த மோசடியில் சிக்கியுள்ளதாக தெரிவிக்கப்படுகின்றது.

சந்தேக நபருக்கு எதிரான குற்றவியல் நம்பிக்கை மீறல் குற்றச்சாட்டு தொடர்பான அறிக்கையை காலி நீதவானிடம் காலி பொலிஸார் சமர்ப்பித்துள்ளனர்.

சந்தேகநபர் சார்பில் ஆஜரான சட்டத்தரணி ரஜீந்திர நாரங்கொட, இன்று (15) நீதிமன்றில் எதிர்பார்த்த பிணையை கோரினார்.

பிணை கோரிக்கைக்கு எதிராக எதிர்வரும் பெப்ரவரி முதலாம் திகதி ஆட்சேபனைகளை தாக்கல் செய்யுமாறு உத்தரவிட்ட நீதவான், வழக்கை ஒத்திவைத்தார்.

சந்தேக நபரை கைது செய்வதற்கான விசாரணைகளை காலி பொலிஸார் மேற்கொண்டு வருகின்றனர்.

தொடர்புடைய செய்திகள்:

எரிவாயு இல்லை!!! பொரளை மயானத்தில் தகன நடவடிக்கைள் நிறுத்தம் கடும் வெப்பம் காரணமாக சுகாதாரத்துறையினர் எச்சரிக்கை விடுத்துள்ளனர் கட்டுநாயக்க விமான நிலைய விசா விவகாரம் குறித்து அரசாங்கம் விளக்கம் ஆசிரியையின் புகைப்படங்களை ஆபாசமாக சித்தரித்த மாணவன் – நீதிமன்றம் பிறப்பித்துள்ள உத்தரவு புலிகளை பயங்கரவாத அமைப்பாகத் தக்கவைக்கும் கனடாவின் முடிவை இலங்கை வரவேற்கிறது நாமல், திலித் உட்பட 35 பேர் கட்டுப்பணம் இழப்பு