ஸ்ரீ பத்மாவதி குழந்தைகள் இருதய மருத்துவமனைக்கு 1.51 கோடி மதிப்பிலான உபகரணங்கள் நன்கொடை!

பெங்களூரைச் சேர்ந்த இந்துஸ்தான் ஏரோநாட்டிக்ஸ் லிமிடெட் நிறுவனம் திருப்பதியில் உள்ள ஸ்ரீ பத்மாவதி குழந்தைகள் நல மருத்துவமனைக்கு 1.51 கோடி ரூபாய் மதிப்பிலான மருத்துவ உபகரணங்களை வழங்கியுள்ளது.

இன்று (30.11)  TTD நிர்வாகக் கட்டிடத்தில் EO ஸ்ரீ ஏ.வி.தர்ம ரெட்டி முன்னிலையில், அந்த அமைப்பின் பிரதிநிதிகள் மருத்துவமனை இயக்குநர் டாக்டர் ஸ்ரீநாத ரெட்டியுடன் புரிந்துணர்வு ஒப்பந்தத்தில் கையெழுத்திட்டனர்.

இந்நிகழ்ச்சியில், ஹிந்துஸ்தான் ஏரோநாட்டிக்ஸ் லிமிடெட் நிறுவனத்தின் சிஎம்டி சி.பி.ஆனந்தகிருஷ்ணன் பேசுகையில், டிடிடியின் கீழ் உள்ள ஸ்ரீ பத்மாவதி குழந்தைகள் இருதய மருத்துவமனை சிறப்பான சேவையை வழங்கி வருவதாகவும், பல ஏழைகள் சிறந்த இதய மருத்துவ சேவையை பெற்று வருவதாகவும் பாராட்டினார்.

இந்த மருத்துவமனைக்கு தேவையான மானிட்டர்களுடன் கூடிய மூன்று ஆபரேஷன் தியேட்டர் அனஸ்தீசியா ஒர்க் ஸ்டேஷன் வென்டிலேட்டர்களை வாங்குவதற்கு பெருநிறுவன சமூகப் பொறுப்பாக இந்த நன்கொடை வழங்கப்பட்டதாக அவர் கூறினார்.

இந்நிகழ்ச்சியில் JEO சதா பார்கவி, CVSO  நரசிம்ம கிஷோர், HR இயக்குநர்  AB.பிரதான், முதுநிலை மேலாளர்  சௌமென் சவுத்ரி, FACAO, பாலாஜி, கூடுதல் FACAO  ரவிபிரசாத் மற்றும் பலர் கலந்துகொண்டனர்.