ரஷ்யாவுடனான போர் முடிவு: சீனாவிற்கு உக்ரைன் விடுத்துள்ள கோரிக்கை

ரஷ்யாவுடனான போரை முடிவுக்குக் கொண்டு வருவது குறித்த அமைதித் திட்டங்களை சீனா நேரடியாக உக்ரைனுக்குத் தெரிவிக்க வேண்டும் என்று உக்ரைன் அதிபர் வொலோடிமிர் ஜெலென்ஸ்கி தெரிவித்துள்ளார்.

போரை எவ்வாறு முடிவுக்குக் கொண்டுவருவது என்பது குறித்து ஒருமித்த கருத்தை உருவாக்குவதற்காக இந்த வார இறுதியில் சுவிட்சர்லாந்தில் நடந்த சர்வதேச உச்சிமாநாட்டின் பின்னர் நடந்த செய்தியாளர் சந்திப்பில் உக்ரேனிய தலைவர் இந்த கருத்தை தெரிவித்தார்.

இந்த உச்சிமாநாட்டை சீனா புறக்கணித்தது.

மேலும் சவுதி அரேபியா, இந்தியா, தென்னாப்பிரிக்கா, தாய்லாந்து, இந்தோனேசியா, மெக்சிகோ மற்றும் ஐக்கிய அரபு எமிரேட்ஸ் உள்ளிட்ட நாடுகள் உக்ரைனுக்கான அமைதிக்கான உச்சி மாநாட்டில் பங்கேற்றன,

ஆனால் இறுதி அறிக்கையில் கையெழுத்திடவில்லை என்று சுவிஸ் அரசாங்கம் தெரிவித்துள்ளது.

ஒரு “பார்வையாளர்” நாடாக உச்சிமாநாட்டில் கலந்து கொண்ட பிரேசில், கையெழுத்திடவில்லை, ஆனால் ரஷ்யாவிற்கும் உக்ரைனுக்கும் இடையில் ஒரு இடைத்தரகராக ஒரு பாத்திரத்தை நாடிய துருக்கி கையெழுத்திட்டது.