விரைவில் இலங்கைக்கு விஜயம் செய்யவுள்ள எலோன் மஸ்க்

எலோன் மஸ்க் தனது Starlink செயற்கைக்கோள் அடிப்படையிலான இணைய சேவையை இலங்கையில் தொடங்குவதற்கு அடுத்த மாதம் இலங்கை வரவுள்ளதாக அதிகாரி ஒருவர் நேற்று தெரிவித்துள்ளார்.

முன்னதாக, ஸ்பேஸ்எக்ஸின் செயற்கைக்கோள் பிரிவான Starlinkக்கு, அங்கு இணைய சேவைகளை வழங்குவதற்கு அரசாங்கம் பூர்வாங்க அனுமதியை வழங்கியது.

அதன்பிறகு, 28 ஆண்டுகளுக்குப் பிறகு தொலைத்தொடர்பு ஒழுங்குமுறைச் சட்டத்தில் திருத்தம் செய்வதன் மூலம் அரசாங்கம் செயல்முறையை துரிதப்படுத்தியது.

சமீபத்திய நிலைமை குறித்து கருத்து கேட்கப்பட்டபோது, ​​இலங்கை தொலைத்தொடர்பு ஒழுங்குமுறை ஆணையத்தின் பணிப்பாளர் நாயகம் மதுஷங்க திஸாநாயக்க, Starlink இன் செயற்பாட்டிற்கு உரிமம் வழங்குவதற்கான அடிப்படை வார்ப்புரு தற்சமயம் மேற்கொள்ளப்பட்டு வருவதாக தெரிவித்தார். இதற்கான புதிய விதிகள் மற்றும் விதிமுறைகள் புதிய சட்டத்தின்படி அமைக்கப்படும் என்றார்.

“பணியை முடிக்க ஜூலை இறுதி வரை கால அவகாசம் அளித்துள்ளோம். இருப்பினும், பணியை முன்கூட்டியே முடிக்க முடியும் என்பதில் உறுதியாக உள்ளோம்,” என்றார்.

மஸ்க் வருகைக்கான காலக்கெடு குறித்த கேள்விக்கு பதிலளித்த அவர், ஆகஸ்ட் மாதம் இந்த விஜயம் நடைபெறும் என்றார்.

அறிமுகப்படுத்தப்பட்ட பிறகு, இந்த சேவையை செயல்படுத்த இன்னும் மூன்று வாரங்கள் ஆகும் என்று அவர் கூறினார்.

“உபகரணங்கள் மற்றும் அனைத்தையும் நிறுவுவதன் மூலம் செயல்பாட்டிற்கான உள்கட்டமைப்பை அமைப்பதற்கு அவர்களுக்கு நீண்ட காலம் தேவை,” என்று அவர் கூறினார்.