ரயில் மற்றும் மின்சாரம் தாக்கி யானைகள் பலி

முல்லைத்தீவு மற்றும் கிளிநொச்சி மாவட்டங்களில் இரண்டு காட்டு யானைகள் நேற்று (22) புகையிரதத்தில் அடிபட்டு மற்றும் மின்சாரம் தாக்கி உயிரிழந்துள்ளதாக வனஜீவராசிகள் திணைக்கள அதிகாரிகள் தெரிவித்துள்ளனர்.

யாழ்ப்பாணத்திலிருந்து கொழும்பு நோக்கி பயணித்த உத்தராதேவி ரயிலில் கிளிநொச்சி முறுகண்டி பகுதியில் யானை மோதி உயிரிழந்துள்ளதாக கிளிநொச்சி வனஜீவராசிகள் அலுவலகம் தெரிவித்துள்ளது.

முல்லைத்தீவு ஒட்டுசுட்டான் பேரி சாலம்பன் பகுதியில் யானையொன்று சடலமாக மீட்கப்பட்டதாக முல்லைத்தீவு வனவிலங்கு அதிகாரி தெரிவித்தார்.

குறித்த பகுதியில் உள்ள வயல்களுக்கு யானை அச்சுறுத்தல் காரணமாக அமைக்கப்பட்டுள்ள சட்டவிரோத மின்கம்பியில் சிக்கி இந்த யானை உயிரிழந்துள்ளதாகவும் தெரியவந்துள்ளது.

உயிரிழந்த யானை 15 வயதுடைய யானை என வனவிலங்கு அதிகாரிகள் மேலும் தெரிவித்துள்ளனர்.