வேலை தேடி ஓமானுக்கு செல்ல வேண்டாம் – இலங்கையர்களுக்கு அறிவிப்பு
சுற்றுலா விசாவில் நாட்டிற்குள் பிரவேசித்து விசாவை வேலை விசாவாக மாற்றுவதை இடைநிறுத்த ரோயல் ஓமன் பொலிஸார் தீர்மானித்துள்ளதாக வெளிநாட்டு வேலைவாய்ப்பு பணியகம் தெரிவித்துள்ளது.
அதன்படி, ஒக்டோபர் 31ஆம் திகதி முதல் சுற்றுலா விசா மூலம் ஓமன் நாட்டிற்குள் நுழையும் எவருக்கும் பணி விசா வழங்குவதில்லை என அந்நாட்டு ராயல் பொலிஸார் முடிவு செய்துள்ளது.
சுற்றுலா விசா மூலம் ஓமன் நாட்டிற்குள் நுழைந்த பலர் கடந்த காலங்களில் பணி விசாவிற்கு விண்ணப்பித்துள்ளனர்.
அப்போது, சம்பந்தப்பட்ட விண்ணப்பதாரர், தூதரகத்துக்கு விண்ணப்பம் அனுப்பப்பட்டபோது கிடைத்த “ஆட்சேபனை இல்லை” கடிதத்தை சமர்ப்பித்து பணி விசாவைப் பெற முடிந்தது.
இருப்பதாகத் தெரிவிக்கப்படுகிறது.
பின்னர் அவர்கள் நாட்டை விட்டு வெளியேறி மீண்டும் ஓமன் நாட்டில் வேலைக்குச் செல்ல வாய்ப்பு வழங்கப்பட்டுள்ளது.
ஆனால் எதிர்வரும் 31ஆம் திகதி முதல் சுற்றுலா விசா மூலம் ஓமன் நாட்டுக்குள் பிரவேசிக்கும் எவருக்கும் பணி விசா பெற்றுக் கொள்ள முடியாது என வெளிநாட்டு வேலைவாய்ப்பு பணியகம் அறிவித்துள்ளது.
சுற்றுலா வீசா மூலம் ஓமானுக்குள் பிரவேசித்த பல இலங்கையர்கள் நாட்டில் தொழில் இன்றி பல்வேறு பிரச்சினைகளை எதிர்நோக்கியுள்ளதாக அண்மையில் தெரிவிக்கப்பட்டது.
இந்தநிலையில், சுற்றுலா வீசா மூலம் வேலை தேடி ஓமானுக்குள் பிரவேசிப்பதை தவிர்க்குமாறு இலங்கையர்களிடம் கோரிக்கை விடுக்கப்படுவதாக வெளிநாட்டு வேலைவாய்ப்பு பணியகம் மேலும் அறிவித்துள்ளது.
(Visited 8 times, 1 visits today)
