படுகொலை முயற்சிக்குப் பிறகு மீண்டும் பிரச்சாரத்திற்குத் வந்த டொனால்ட் டிரம்ப்

அமெரிக்காவில் அதிபர் தேர்தலில் போட்டியிடும் முன்னாள் அதிபர் மீது இதுவரை இரண்டு முறை கொலை முயற்சி சம்பவங்கள் நடைபெற்றுள்ளன.

முதல் முறை நடந்த கொலை முயற்சியில் துப்பாக்கி குண்டு டிரம்பின் காதைகாயப்படுத்தியது. அப்போது நூலிழையில் உயிர்தப்பிய டிரம்ப் அதன் பிறகு தேர்தல் பரப்புரைகளில் தீவிரம் காட்டினார்.

இதைத் தொடர்ந்து நேற்று முன்தினம் டிரம்ப் உரையாற்றிக் கொண்டிருந்த இடத்தில் மர்ம நபர் துப்பாக்கி வைத்திருந்ததை டொனால்டு டிரம்ப்பின் பாதுகாப்பு அதிகாரிகள் கண்டுபிடித்தனர்.

இதனால் டிரம்ப் மீது நடத்தப்பட இருந்த மற்றொரு துப்பாக்கி சூடு சம்பவம் தோல்வியில் முடிந்தது. அதிபர் தேர்தலில் களம் காணும் டொனால்டு டிரம்ப் மீது தொடர்ச்சியாக துப்பாக்கி சூடு நடத்தப்படும் சம்பவங்கள் பரபரப்பை ஏற்படுத்தி உள்ளன.

மேலும், துப்பாக்கி சூடு முயற்சி முடிந்த இரண்டே நாட்களில் டிரம்ப் மீண்டும் தேர்தல் பிரசாரத்தில் கலந்து கொண்டுள்ளார்.

இரண்டாவது முறை துப்பாக்கி சூடு நடத்தப்பட இருந்தது பற்றி பேசிய டிரம்ப், ஜோ பைடன் மற்றும் கமலா ஹாரிஸ் நான் நாட்டை காப்பாற்றி விடுவேன் என்று எண்ணி என்னை சுட்டுத் தள்ள முயற்சிக்கிறார்கள் என்று குற்றம்சாட்டினார்.

தொடர்புடைய செய்திகள்:

அமெரிக்காவில் 150 மில்லியன் பேர் TikTok பயன்பாட்டை நிறுத்த வேண்டிய நிலை ஹாரி முடிசூட்டு விழாவில் கலந்துகொள்வது ஆச்சரியமாக இருக்கின்றது!! டொனால்ட் ட்ரம்ப் சிங்கப்பூரில் பொது இடத்தில் சிறுமிகளை கட்டிப்பிடித்து முத்தமிட்ட 44 வயதான நபருக்கு சிறைத்தண்டனை அமெரிக்கர்களிடம் வேண்டுகோள் விடுத்த ஜனாதிபதி வேட்பாளர் கமலா ஹாரிஸ்