இங்கிலாந்தில் வேலைநிறுத்த போராட்டத்தை அறிவித்த வைத்தியர்கள்!

இங்கிலாந்தில் உள்ள ஜூனியர் வைத்தியர்கள் அடுத்த மாதம் தொடங்கி ஐந்து நாட்களுக்கு வேலைநிறுத்தம் செய்ய உள்ளதாக அறிவித்துள்ளனர்.

நீண்டகாலமாக இழுப்பறியாகவுள்ள ஊதியம் தொடர்பான பிரச்சினைகளின் ஒரு பகுதியாக இந்த வேலைநிறுத்த போராட்டம் முன்னெடுக்கப்படவுள்ளது.

ஜூன் 27ஆம் திகதி காலை 7 மணி முதல் ஜூலை 2ஆம் திகதி வரை வேலைநிறுத்தப் போராட்டம் நடைபெற உள்ளது.

ஜுலை நான்காம் திகதி பிரித்தானியாவில் பொதுத் தேர்தல் நடைபெறவுள்ளது. ஆகவே இந்த பொதுத் தேர்தலில் வைத்தியர்களின் போராட்டம் மிகப் பெரிய அளவில் தாக்கம் செலுத்தும் என கூறப்படுகிறது.

பயிற்சியில் உள்ள மருத்துவர்களுக்கும் அரசுக்கும் இடையே நீண்ட காலமாக நிலவி வரும் ஊதியம் தொடர்பான சர்ச்சையை முடிவுக்கு கொண்டுவரும் நோக்கில் சமீபத்தில் பேச்சுவார்த்தை மீண்டும் தொடங்கப்பட்டது.

இருப்பினும் இந்த பேச்சுவார்த்தையில் தீர்வு எட்டப்படவில்லை.