போலி மிரட்டல்களால் கடும் நெருக்கடி – அமெரிக்காவின் FBI உதவியை நாடும் இந்தியா

இந்திய அரசாங்கம் போலி மிரட்டல்களால் கடும் நெருக்கடிக்குள்ளாகியுள்ளது.

இந்த நிலையில் இந்த அழைப்புகள் எங்கிருந்து வருகின்றன என்பதைக் கண்டுபிடிக்க அமெரிக்க மத்தியப் புலனாய்வுப் பிரிவின் உதவியை நாடியிருக்கிறது.

இரண்டு வாரத்தில் இந்திய விமான நிறுவனங்களுக்கு 400க்கும் அதிமான போலி வெடிகுண்டு மிரட்டல்கள் வந்தன. அதற்கும் காலிஸ்தான் கேட்கும் சீக்கியப் பிரிவினைவாதிகளுக்கும் தொடர்பிருக்கலாம் என்று இந்தியா சந்தேகிக்கிறது.

சமூக ஊடகத்தளங்களை வைத்துச் செய்யப்படும் தொலைபேசி அழைப்புகள், மின்னஞ்சல்களை அடையாளம் காண முயற்சித்துள்ளது.

அதற்கமைய, இந்தியாவோடு சேர்ந்து பணியாற்றுவதாக அமெரிக்க மத்தியப் புலனாய்வுப் பிரிவு கூறியது.

அமெரிக்காவில் இருக்கும் பிரிவினைவாதி குர்பட்வாண்ட் சிங் பன்னுனை
(Gurpatwant Singh Pannun) இந்தியப் பொருளியலை முடக்கும் நோக்கத்துடன் ஏர் இந்தியாவைப் புறக்கணிக்க வேண்டும் என்று கூறியிருக்கிறார்.