இலங்கையர்களுக்கு டிஜிட்டல் அடையாள அட்டை
இலங்கையை டிஜிட்டல் மயமாக்கும் நோக்கில் “DIGIECON 2030” வேலைத்திட்டம் எதிர்வரும் ஒக்டோபர் மாதம் ஆரம்பிக்கப்படும் என தொழில்நுட்ப இராஜாங்க அமைச்சர் கனக ஹேரத் தெரிவித்துள்ளார்.
ஜனாதிபதி ரணில் விக்கிரமசிங்கவின் பணிப்புரையின் பேரில் நடைமுறைப்படுத்தப்படும் இந்த வேலைத்திட்டம் நாட்டில் தொழில்நுட்ப பரிமாற்றம் மற்றும் சர்வதேச தொழில்நுட்ப தரங்களைப் பயன்படுத்துதல் போன்ற பல அம்சங்களை அடிப்படையாகக் கொண்டதாகவும் இராஜாங்க அமைச்சர் குறிப்பிட்டார்.
செயற்கை நுண்ணறிவுச் சட்டம் கொண்டு வரப்படும், பல்கலைக்கழகத்தை விட்டு வெளியேறும் பட்டதாரிகளுக்கு ஆறு மாத தகவல் தொழில்நுட்பப் பாடநெறி அறிமுகப்படுத்தப்படும், இந்த நாட்டின் ஒவ்வொரு குடிமகனுக்கும் புதிய டிஜிட்டல் அடையாள அட்டை வழங்கப்படும் என்றும் கனக ஹேரத் குறிப்பிடுகிறார்.
நிலையான நாட்டிற்கு ஒரே பாதை என்ற தொனிப்பொருளில் ஜனாதிபதி ஊடக மையத்தில் ஏற்பாடு செய்யப்பட்டிருந்த ஊடகவியலாளர் மாநாட்டில் கலந்து கொண்டு தொழிநுட்ப இராஜாங்க அமைச்சர் திரு கனக ஹேரத் இதனைக் குறிப்பிட்டார்.
(Visited 24 times, 1 visits today)
