தோனி, ரோஹித், கோலி, சஞ்சு வாழ்க்கையை அழித்துவிட்டார்கள் – தந்தை பரபரப்பு தகவல்

இந்திய கிரிக்கெட் வீரர் சஞ்சு சாம்சனின் அப்பா விஷ்வநாத், தன் மகனின் கிரிக்கெட் வாழ்க்கையில் முன்னாள் இந்திய அணியின் கேப்டனாக இருந்தவர்களால் தான் அவரது வாய்ப்புகளைப் பெரிதும் பாதித்ததாகக் குற்றம் சாட்டி வெளிப்படையாக அவர்களுடைய பெயரையும் கூறி பரபரப்பைக் கிளப்பியுள்ளார்.

சமீபத்தில் அவர் கொடுத்த பேட்டியில், முன்னாள் கேப்டன்கள் மகேந்திர சிங் தோனி, விராட் கோலி, ரோஹித் சர்மா மற்றும் பயிற்சியாளர் ராகுல் டிராவிட் ஆகியோர் சஞ்சுவின் முக்கியமான கிரிக்கெட் காலத்தில் அவசரமான தீர்மானங்களால் சஞ்சு சாம்சனுக்கு வாய்ப்புகள் வழங்காமல் அவருடைய வளர்ச்சியைத் தடுத்ததாகக் குற்றம்சாட்டினார்.

இந்த பேட்டி சமூகவலைத்தளங்களில் பரவலாகப் பகிரப்பட்டு வருகிறது. அதில் அவர் கூறியதாவது, “இந்த 4 பெரும் தான் எனது மகனின் வாழ்க்கையில் 10 ஆண்டுகளை கிரிக்கெட்டை வீணடித்தனர். ஆனால், அவர்களுக்கு நான் இந்த நேரத்தில் நன்றி தெரிவித்துக்கொள்ள விரும்புகிறேன், ஏனெனில் அவர்கள் அணியில் சஞ்சுசாம்சனுக்கு வாய்ப்புகள் வழங்காததால் சஞ்சு இன்னும் உறுதியுடன் ஒரு நல்ல வீரராக விளையாடிக்கொண்டு இருக்கிறார் என” அவருடைய தந்தை கூறினார்.

அது மட்டுமின்றி, முன்னாள் வீரர் கிரிஸ் ஸ்ரீகாந் சமீபத்தில் சஞ்சுவின் ஆட்டத்தைக் கடுமையாக விமர்சித்துப் பேசியது தன்னை மிகவும் காயப்படுத்தியதாகவும் அவருடைய தந்தை விஷ்வநாத் வேதனையுடன் தெரிவித்தார். இது குறித்தும் பேசிய அவர் ” எனது மகன் பற்றிய நல்ல வார்த்தை ஒரு முறை கூட கிரிஸ் ஸ்ரீகாந் வாயிலிருந்து வந்ததை நான் பார்த்தது இல்லை. அவர் சஞ்சு யாருக்கு எதிராகச் சதமடித்தான்? அது வெறும் வங்காள தேசம் தான் என அசால்ட்டாக கூறுகிறார்.

சதம் அடிப்பது என்ன எளிதான விஷயமா? எந்த அணியுடன் அடித்தாலும் சதம் சதம் தான். எனவே, அதை மதிக்க வேண்டும்” எனவும் அவருடைய தந்தை விஷ்வநாத் தன்னுடைய வேதனையைக் கொட்டி தீர்த்தார். ஒவ்வொரு போட்டிகளில் இந்திய அணி விளையாடும்போது அதனுடைய வீரர்கள் அறிவிக்கப்படும்போது அதில் சஞ்சு சாம்சன் பெயர் இடம்பெறாமல் இருப்பது ஒரு அதிர்ச்சியான விஷயமாக தான் பார்க்கப்படுகிறது.

இருப்பினும், தற்போது சஞ்சு தென்னாப்பிரிக்கா அணிக்கு எதிராக நடைபெற்று வரும் டி20 போட்டியில் விளையாடி வருகிறார். இந்த சூழலில், இதற்குக் காரணமே மகேந்திர சிங் தோனி, விராட் கோலி, ரோஹித் சர்மா போன்ற வீரர்கள் தான் என சஞ்சு சாம்சன் தந்தை குற்றம்சாட்டிப் பேசியிருப்பது இவர்களுடைய ரசிகர்களுக்கு மத்தியில் பெரும் அதிர்ச்சியை ஏற்படுத்தியுள்ளது.

See also  அக்டோபர் மாதத்திற்கான சிறந்த வீரர் மற்றும் வீராங்கனையை அறிவித்த ICC

தொடர்புடைய செய்திகள்:

4-வது டெஸ்ட்… Toss வென்ற இங்கிலாந்து பேட்டிங் தேர்வு..! IPL Match 14 – தொடர்ச்சியான தோல்விகளை பதிவு செய்யும் மும்பை அணி IPL Match 16 – 106 ஓட்டங்கள் வித்தியாசத்தில் கொல்கத்தா வெற்றி சுற்றுலா மேற்கிந்திய தீவுகள் அணிக்கு எதிரான இங்கிலாந்து அணி அறிவிப்பு 12 ஆண்டுகளுக்கு பிறகு இந்தியாவுக்கு எதிரான டெஸ்ட் தொடரை கைப்பற்றிய நியூசிலாந்து இந்திய அணியின் முக்கிய வேகப்பந்துவீச்சாளர் காயம்! 3 மாதம் விளையாட முடியாது