இலங்கை வந்த சீனப் பிரஜை நாடு கடத்தல்!

இலங்கை வந்த சீனப் பிரஜை மீண்டும் சீனாவிற்கு நாடு கடத்தப்பட்டுள்ளார்.

போலி வெளிநாட்டு கடவுச்சீட்டுடன் நாட்டிற்குள் பிரவேசிக்க முயற்சித்ததாக குற்றம் சுமத்தப்பட்டு அவர் நாடு கடத்தப்பட்டுள்ளது.

கட்டுநாயக்க விமான நிலையத்தில் வைத்து அவர் நேற்றைய தினம் நாடு கடத்தப்பட்டதாக பொது பாதுகாப்பு அமைச்சு தெரிவித்துள்ளது.

கினி ராஜ்ஜியத்தின் வெளிநாட்டு கடவுச்சீட்டுடன் அண்மையில் நாட்டிற்குள் பிரவேசிக்க முயற்சித்த குறித்த சீன பிரஜை கட்டுநாயக்க விமான நிலையத்தின் குடிவரவு மற்றும் குடியகல்வு திணைக்கள அதிகாரிகளால் தடுத்து வைக்கப்பட்டார்

இதனையடுத்து, அவர் சீன வெளிநாட்டு கடவுச்சீட்டை காண்பித்துள்ளார். இதன்பின்னர், அவருக்கு நாட்டிற்குள் பிரவேசிக்க அனுமதி வழங்கப்பட்டது.

எவ்வாறாயினும், இந்த விடயம் சர்ச்சைக்குரியதாக மாறியதை அடுத்து குறித்த சீனப் பிரஜை குடிவரவு மற்றும் குடியகல்வு திணைக்களத்திற்கு அழைக்கப்பட்ட நிலையில் கைது செய்யப்பட்டார்.

கைதான சீனப் பிரஜை, தம்மை சொந்த நாட்டிற்கு நாடு கடத்தாது, டுபாய்க்கு நாடு கடத்துமாறு கோரி நீதிப்பேராணை மனுவை தாக்கல் செய்திருந்தார்.

அந்த கோரிக்கையை நீதிமன்றம் நிராகரித்தது. போதைப்பொருள் குற்றச்சாட்டு தொடர்பில் கைது செய்வதற்காக சீன நீதிமன்றத்தினால் பிடியாணை பிறப்பிக்கப்பட்ட ஒருவர் என விசாரணைகளில் தெரியவந்தது. இதனையடுத்து, குறித்த சீனப் பிரஜை மீண்டும் அந்த நாட்டிற்கு நாடு கடத்தப்பட்டுள்ளார்.

See also  இலங்கை நாடாளுமன்ற உறுப்பினர்கள் மற்றும் முன்னாள் ஜனாதிபதிகளின் சிறப்புரிமைகளை மீளாய்வு செய்ய குழு நியமனம்!

தொடர்புடைய செய்திகள்:

இலங்கையில் அதிர்ச்சி – துப்பாக்கிச் சூட்டில் 5 பேர் உயிரிழப்பு இலங்கை : ETF, EPF குறித்து நீதிமன்றத்தில் தாக்கல் செய்யப்பட்ட மனுக்கள் தொடர்பில் வெளியான தகவல்! கொழும்புக்கு குறைந்த கட்டண விமானங்களை அறிவித்துள்ள சிங்கப்பூரின் ஜெட்ஸ்டார் ஏசியா! புலிகளை பயங்கரவாத அமைப்பாகத் தக்கவைக்கும் கனடாவின் முடிவை இலங்கை வரவேற்கிறது நாமல், திலித் உட்பட 35 பேர் கட்டுப்பணம் இழப்பு இலங்கை: பொதுத் தேர்தல் தொடர்பில் வெளியான அறிவிப்பு! தேர்தல்கள் ஆணைக்குழு