அணுவாயுத குறைப்பு : பகற்கனவு காண்பதாக விமர்சிக்கும் கிம்மின் சகோதரி!

வட கொரியத் தலைவர் கிம் ஜாங் உன்னின்  சகோதரி வாஷிங்டன் மற்றும் அதன் ஆசிய நட்பு நாடுகள்  அணு ஆயுதக் குறைப்பு தொடர்பில் பகற் கனவு காண்பதாக கூறி கேலி செய்துள்ளார்.

வடகொரியா அதன்  அணு ஆயுதத் திட்டத்தை ஒருபோதும் கைவிடாது என்று வலியுறுத்தினார்.

நாட்டின் உயர் வெளியுறவுக் கொள்கை அதிகாரிகளில் ஒருவரான கிம் யோ ஜாங்கின் அறிக்கை, கடந்த வாரம் அமெரிக்கா, தென் கொரியா மற்றும் ஜப்பான் ஆகிய நாடுகளின் உயர்மட்ட இராஜதந்திரிகளுக்கு இடையேயான ஒரு சந்திப்பிற்கு பதிலளிக்கும் விதமாக இருந்தது.

அங்கு அவர்கள் வடக்கின் அணு ஆயுதக் குறைப்புக்கு அழுத்தம் கொடுப்பதற்கான தங்கள் உறுதிப்பாட்டை மீண்டும் உறுதிப்படுத்தினர்.

அணு ஆயுத விரிவாக்கத்திற்கான வட கொரியாவின் இலக்குகள் அதன் அரசியலமைப்பில் பொறிக்கப்பட்டுள்ளன என்பதைக் குறிப்பிட்டு, அணு ஆயுதக் குறைப்பு குறித்த எந்தவொரு வெளிப்புற விவாதங்களும் “மிகவும் விரோதமான செயல்” என்றும், அது தனது நாட்டின் இறையாண்மையை மறுப்பதற்குச் சமம் என்றும் அவர் வலியுறுத்தினார்.