இலங்கை : சில நடைமுறைகளுக்கு உட்பட்டு வாகனங்களை இறக்குமதி செய்ய தீர்மானம்!

சில நடைமுறைகளுக்கு உட்பட்டு வாகனங்களை இறக்குமதி செய்வதற்கு அரசாங்கம் தீர்மானித்துள்ளதாக அமைச்சரவைப் பேச்சாளர் அமைச்சர் விஜித ஹேரத் தெரிவித்துள்ளார்.

இன்று இடம்பெற்ற அமைச்சரவை தீர்மானங்களை அறிவிக்கும் செய்தியாளர் மாநாட்டில் கலந்து கொண்டு கருத்து தெரிவித்த அவர், மத்திய வங்கியும் இது தொடர்பில் இணக்கம் தெரிவித்துள்ளது.

அதற்கமைவாக எதிர்காலத்தில் முறையான முறைமை தயாரிக்கப்பட்டு பொதுமக்களுக்கு அறிவிக்க நடவடிக்கை எடுக்கப்படும் என அமைச்சர் தெரிவித்தார்.

இது தொடர்பில் மேலும் கருத்து வெளியிட்டுள்ள அவர், “ஒரு குறிப்பிட்ட முறைப்படி வாகன இறக்குமதி நடைமுறைக்கு அனுமதி வழங்க அரசாங்கம் தீர்மானித்துள்ளது. அதற்கு மத்திய வங்கியும் இணக்கம் தெரிவித்துள்ளது.

எனவே எதிர்காலத்தில் முறையான அமைப்பை தயாரித்து அந்த அமைப்பு என்னவாக இருக்கும் என்பதை தெரிவிப்பேன். பல்வேறு நபர்களை உள்ளடக்கிய விவாதங்கள் நடத்தப்பட்டுள்ளன.

எல்லாவற்றையும் கருத்தில் கொண்டு, எங்கள் பணம் ஒரே நேரத்தில் வராமல் இருக்க இது முறையாக செய்யப்பட வேண்டும்”  எனத் தெரிவித்துள்ளார்.