நேபாளத்தில் பெய்த கனமழை, நிலச்சரிவில் சிக்கி உயிரிழந்தோரின் எண்ணிக்கை 42ஆக உயர்வு

நேபாளத்தில் பெய்த கனமழையால் ஏற்பட்ட நிலச்சரிவுகள் மற்றும் வெள்ளத்தில் குறைந்தது 42 பேர் உயிரிழந்துள்ளனர்.

வெள்ளிக்கிழமை முதல் நாட்டின் சில பகுதிகள் வெள்ளத்தில் மூழ்கியுள்ளன, இதனால் பேரிடர் ஏற்படும் என அதிகாரிகள் எச்சரித்துள்ளனர்.

இதுவரை 42 பேர் இறந்துள்ளனர், மேலும் ஐந்து பேர் காணாமல் போயுள்ளதாக நேபாளத்தின் தேசிய பேரிடர் அபாயக் குறைப்பு மற்றும் மேலாண்மை ஆணையத்தின் செய்தித் தொடர்பாளர் சாந்தி மஹத் கூறினார்.

கிழக்கு மாவட்டமான இலாமில் ஏற்பட்ட நிலச்சரிவுகளில் குறைந்தது 37 பேர் உயிரிழந்துள்ளனர்.