நம்பிக்கையில்லாப் பிரேரணைக்கு நாள் நிர்ணயம்!

பிரதமர் கலாநிதி ஹரிணி அமரசூரியவுக்கு Dr. Harini Amarasooriya எதிரான நம்பிக்கையில்லாப் பிரேரணை எதிர்வரும் 20 மற்றும் 21 ஆம் திகதிகளில் விவாதத்துக்கு எடுத்துக்கொள்வதற்கு அரசாங்கம் தயாராக உள்ளது.

அமைச்சரவைப் பேச்சாளரும், ஆளுங்கட்சி பிரதம கொறடாவுமான அமைச்சர் நளிந்த ஜயதிஸ்ஸ Nalinda Jayatissa நேற்று மேற்படி தகவலை வெளியிட்டார்.

“ பிரதமருக்கு எதிரான நம்பிக்கையில்லாப் பிரேரணையை எதிரணி விரைவில் முன்வைக்கும் என நம்புகின்றோம்.

அது தொடர்பில் இரு நாட்கள் விவாதிப்பதற்கு நாம் தயார். தேவையேற்படின் மேலும் மூன்று நாட்கள்கூட வழங்க முடியும்.

நம்பிக்கையில்லாப் பிரேரணை முன்வைக்கப்பட்டால் கல்வி மறுசீரமைப்பு தொடர்பிலும் உண்மையான பக்கம் தெரியவரும்.” – எனவும் அமைச்சர் சுட்டிக்காட்டினார்.

விவாதத்துக்கும், போலியாக முன்வைக்கப்பட்டுவரும் விமர்சனங்களுக்கும் உரிய பதிலடியை வழங்குவதற்கு நாம் தயார். முடிந்தால் விரைவில் பிரேரணையை எதிரணி முன்வைக்கப்பட்டும்.” – என அமைச்சர் மேலும் குறிப்பிட்டார்.