ஐரோப்பாவிற்கு காத்திருக்கும் அபாயங்கள் – மக்களை தயாராகுமாறு அவசர அறிவித்தல்
ஐரோப்பிய ஒன்றிய குடிமக்கள் நெருக்கடியைச் சமாளிக்க கூடிய வகையில் ஐரோப்பிய ஆணையம் புதிய வழிகாட்டுதல்களை அறிமுகப்படுத்தியுள்ளது.
குறைந்தபட்சம் 72 மணிநேரம் நீடிக்கும் அளவுக்கு போதுமான உணவு மற்றும் பிற அத்தியாவசியப் பொருட்கள் இருப்பு வைக்கப்பட வேண்டும் என்று ஐரோப்பிய ஆணையம் கூறுகிறது.
நேற்று முன்தினம் வெளியிடப்பட்ட வழிகாட்டுதலில், தயாரிப்பு மற்றும் எதிர்ப்புத்தன்மை கலாச்சாரத்தை வளர்ப்பதற்கு ஐரோப்பா தனது மனநிலையை மாற்ற வேண்டியதன் அவசியத்தை ஆணையம் வலியுறுத்தியது.
இந்த 18 பக்க ஆவணம், உக்ரைனுக்கும் ரஷ்யாவிற்கும் இடையிலான போரினால் ஐரோப்பாவிற்கு ஏற்படும் அபாயங்கள் மற்றும் நிச்சயமற்ற தன்மை குறித்து எச்சரிக்கிறது.
ரஷ்யாவின் தொடர்ச்சியான அச்சுறுத்தல்களை எதிர்கொள்ள ஐரோப்பிய தலைவர்கள் போர்க்கால அடிப்படையில் இருக்க வேண்டியதன் அவசியத்தையும் ஐரோப்பிய ஆணையம் வலியுறுத்தியுள்ளது.
ஐரோப்பாவை நோக்கி டிரம்ப் நிர்வாகம் ஒரு மோதல் அணுகுமுறையை எடுத்துள்ளதாகவும் அவர்கள் குறிப்பிட்டனர்.
எனவே, ஐரோப்பிய கண்டத்தின் குடிமக்கள் அவசரநிலை ஏற்பட்டால் தயாராக இருப்பதை உறுதி செய்வதற்கான நடைமுறை நடவடிக்கைகள் எடுக்கப்பட வேண்டும் என்று ஐரோப்பிய ஆணையம் வலியுறுத்துகிறது.
(Visited 461 times, 1 visits today)
