பிரித்தானியாவில் முடங்கவுள்ள வைத்திய சேவை!

பிரித்தானியாவில் வரும் வசந்த காலம் வரை ஜுனியர் மருத்துவர்கள் ஒவ்வொரு மாதமும் வேலை நிறுத்தத்திற்கு தயாராகி வருவதாக அறிவிக்கப்பட்டுள்ளது.

பிரிட்டிஷ் மருத்துவ சங்கம்  தனது வேலைநிறுத்த உத்தரவை நீட்டிக்க அடுத்த வாரம் வாக்கெடுப்பு நடத்தவுள்ளதாக தெரியவருகிறது.

ஜூனியர்  மருத்துவர்கள்,   ஆலோசகர்களுடன் “ஒருங்கிணைந்த நடவடிக்கை” குறித்தும் பரிசீலிப்பதாகக் கூறினர்.

வேலைநிறுத்தத்தைத் தொடர உறுப்பினர்கள் வாக்களித்தால், 2024 மார்ச் மாதம் வரை மாதத்திற்கு மூன்று நாட்களுக்கு வேலைநிறுத்த போராட்டத்தை அவர்கள் முன்னெடுப்பார்கள் என அறிவிக்கப்பட்டுள்ளது.

இந்த நடவடிக்கையானது ஊதியம் தொடர்பாக அரசாங்கத்துடனான சர்ச்சையில் குறிப்பிடத்தக்க விரிவாக்கத்தை பிரதிபலிக்கும் என எதிர்பார்க்கப்படுகிறது.