மாலைத்தீவின் புதிய ஜனாதிபதிக்கு ரணில் விக்கிரமசிங்க வாழ்த்து!

மாலைத்தீவின் புதிய அதிபராக தெரிவு செய்யப்பட்ட  மொஹமட் முய்சுவிற்கு ஜனாதிபதி ரணில் விக்கிரமசிங்க வாழ்த்து தெரிவித்துள்ளார்.

மொஹமட் முய்சுவிற்கு தொலைபேசி அழைப்பை மேற்கொண்டு ஜனாதிபதி தனது வாழ்த்துக்களை தெரிவித்ததாக ஜனாதிபதி ஊடகப் பிரிவு தெரிவித்துள்ளது.

புதிய ஜனாதிபதியின் ஆட்சிக் காலத்தில் இரு நாடுகளுக்குமிடையிலான நெருக்கமான மற்றும் நட்புறவுமிக்க இருதரப்பு உறவுகளை மேலும் பலமான மற்றும் பலதரப்பட்ட பங்காளித்துவமாக அபிவிருத்தி செய்வதற்கு ஜனாதிபதி ரணில் விக்கிரமசிங்க விருப்பம் தெரிவித்துள்ளார்.

கல்வி, சுகாதாரம் மற்றும் இருதரப்பு வர்த்தகம் மற்றும் முதலீடு ஆகிய துறைகளை உள்ளடக்கிய பொருளாதார ஒத்துழைப்பை அதிகரிப்பதன் முக்கியத்துவத்தையும் சுட்டிக்காட்டிய ஜனாதிபதி, மாலைதீவு புதிய ஜனாதிபதியுடன் நெருக்கமாக செயற்பட எதிர்பார்த்துள்ளதாகவும் குறிப்பிட்டுள்ளார்.