திருமலையில் இரு குழுக்களிடையே மோதல்;பெண்ணொருவர் உட்பட அறுவர் வைத்தியசாலையில் அனுமதி

திருகோணமலை மொரவெவ பொலிஸ் பிரிவுக்குட்பட்ட ரொட்டவெவ பகுதியில் இரு குழுக்களுக்கிடையில் ஏற்பட்ட மோதலின் காரணமாக பெண்ணொருவர் உட்பட ஆறு பேர் படுகாயமடைந்து வைத்தியசாலையில் அனுமதிக்கப்பட்டுள்ளனர்.

குறித்த சம்பவம் (24) இடம்பெற்றுள்ளது.குறித்த சம்பவத்தில் 28 தொடக்கம் 58 வயதுக்கு இடைப்பட்ட நபர்களே காயமடைந்துள்ளனர்.

சம்பவம் தொடர்பாக மேலும் தெரிய வருவதாவது, மிரிஸ்வெவ பகுதியில் மேற்கொள்ளப்பட்டிருந்த சேனைப்பயிர்ச் செய்கைக்குள் மாடுகள் புகுந்து நாசமாக்கியுள்ளதாக சேனைப்பயிர் செய்கையாளர் மாட்டின் உரிமையாளரிடம் நட்டியீடு கோரியபோது ஏற்பட்ட வாக்குவாதத்தில் இரு தரப்பினருக்கும் இடையே கைகலப்பு ஏற்பட்டுள்ளது.

இதனால் பெண் ஒருவர் உட்பட ஆறுபேர் காயமடைந்த நிலையில் மஹதிவுல்வெவ பிரதேச வைத்தியசாலையில் அனுமதிக்கப்பட்டு பின்னர் பெண் ஒருவருடன் வயோதிபர் ஒருவரும் மேலதிக சிகிச்சைகளுக்காக திருகோணமலை பொது வைத்தியசாலைக்கு கொண்டு செல்லப்பட்டுள்ளனர்.

சம்பவம் தொடர்பான மேலதிக விசாரணைகளை மொரவெவ பொலிசார் மேற்கொண்டு வருகின்றனர்.

தொடர்புடைய செய்திகள்:

எக்ஸ்பிரஸ் பேர்ள் கப்பல் : இழப்பீடு கோரி வழக்கு தொடர்ந்தது ஐக்கிய மக்கள் சக்தி! யாழில் சிறுமி ஒருவர் தாக்கப்பட்ட விவகாரம் : விசாரணைக்கு சென்ற அதிகாரிகள் மீதும் தாக்குதல்! தமிழகத்தில் தஞ்சம் அடைந்த இருவர்! இலங்கையில் வளர்ப்பு நாயை காப்பாற்ற முயன்ற பெண்ணுக்கு காத்திருந்த அதிர்ச்சி