திருமண நிச்சயத்தில் 650,000 யுவான் மோசடி – சீனாவை உலுக்கிய காதல் ஏமாற்றம்

சீனாவின் சிச்சுவான் மாகாணத்தை சேர்ந்த கார் தொழிற்சாலை தொழிலாளி ஜி, “ராணுவ அதிகாரி” என கூறிய லி ஹுவா என்ற பெண்ணால் திருமணத்தின் பெயரில் ஏமாற்றப்பட்டுள்ளார்.

2018ஆம் ஆண்டு ஆன்லைன் மூலம் சந்தித்த லியுடன் எட்டு ஆண்டுகளாக தொடர்பில் இருந்தும், அவர் மொத்தம் நான்கு அல்லது ஐந்து முறை மட்டுமே நேரில் சந்தித்துள்ளார். திருமணம் நிச்சயிக்கப்பட்ட பிறகு, லி சொத்துப் பதிவு, திருமண செலவுகள் மற்றும் மருத்துவக் காரணங்களைக் கூறி, ஜியிடமும் அவரது குடும்பத்தினரிடமும் இருந்து மொத்தம் 650,000 யுவான் பறித்து விட்டார்.

மீண்டும் சந்திக்க முயன்ற ஜி, லி கொடுத்த முகவரி போலியானது என உணர்ந்து போலீசில் புகார் அளித்தார். அதிகாரிகள் விசாரணை நடத்தி வருகிறார்கள்; லி தற்போது மாயமாக உள்ளார்.

சம்பவம் சமூக ஊடகங்களில் பரவலாக கவனம் பெற்றுள்ளது, பலரும் காதலை நம்பி ஏமாறிய ஜிக்குத் தங்களது அனுதாபங்களை தெரிவித்துள்ளனர்.