இலங்கையில் மக்களுக்கு கிடைத்த இலவச அரிசியால் உயிரிழந்த கோழிகள்

அரசாங்கம் வழங்கிய அரியை சாப்பிட்ட 07 கோழிகள் உயிரிழந்துள்ளது.

குறைந்த வருமானம் பெறுவோருக்கு அரசாங்கத்தினால் இலவச அரிசி வழங்கப்பட்டுள்ளது.

இந்த நிலையில் இந்த சம்பவம் தொடர்பில் பகுப்பாய்வு அறிக்கையை சமர்ப்பிக்குமாறு ரம்பதகல்ல நீதிமன்றம் உத்தரவிட்டுள்ளதாக இலங்கையின் தேசிய பத்திரிகையொன்று இன்று செய்தி வெளியிட்டிருந்தது.

ரிதிகம, பனகமுவைச் சேர்ந்த குறைந்த வருமானம் பெறுவோருக்கு அரசாங்கத்தினால் வழங்கப்பட்ட அரிசியில் சில கோழிகளுக்கு உணவாக வழங்கப்பட்டது.

அரிசியை உண்ட 07 கோழிகள் உயிரிழந்துள்ளதாக பொது சுகாதார அலுவலகத்தில் முறைப்பாடு செய்யப்பட்டுள்ளது.

இந்த சம்பவம் தொடர்பில் சுகாதார அதிகாரிகள் நீதிமன்றில் உண்மைகளை தெரிவித்ததை அடுத்து நீதவான் இந்த உத்தரவை பிறப்பித்துள்ளார்