இலங்கை கல்வி முறையில் ஏற்படவுள்ள மாற்றம் – பிரதமர் வெளியிட்ட தகவல்

இலங்கைக்கு தேவையான குடிமக்களை உருவாக்கக்கூடிய கல்வி முறையை நாட்டில் நிறுவுவதே அரசாங்கத்தின் நோக்கம் என்று கல்வி அமைச்சரும் பிரதமருமான ஹரிணி அமரசூரிய தெரிவித்துள்ளார்.

அடுத்த ஆண்டு செயல்படுத்த திட்டமிடப்பட்டுள்ள கல்வி சீர்திருத்தங்கள் மூலம் தொடர்புடைய பணிகள் மேற்கொள்ளப்படும் என்று பிரதமர் கூறினார்.

மாணவர்களை தனிமையில் விடாத கல்வி முறையை உருவாக்குவதே தற்போதைய அரசாங்கத்தின் நோக்கம் என்று பிரதமர் ஹரிணி அமரசூரிய தெரிவிததுள்ளார்.

தொழிற்கல்வியும் கல்வியின் ஒரு பகுதியாக இருக்க வேண்டும் என்று பிரதமர் கூறுகிறார். பாடசாலை கல்வி முறைக்குள் உள்ள பிள்ளைகளுக்கு தொழிற்கல்வி திறந்திருக்க வேண்டும் என்று அவர் கூறுகிறார்.

பொலன்னறுவை மாவட்ட கல்வித் துறையில் நிலவும் பிரச்சினைகள் குறித்து ஆராய்வதற்காக பொலன்னறுவை மாவட்ட செயலகத்தில் நடைபெற்ற கூட்டத்திலேயே பிரதமர் இந்தக் கருத்துக்களைத் தெரிவித்தார்.

பாடசாலையை விட்டு வெளியேறும் மாணவர்களுக்கு தொழிற்கல்வி ஒரு தீர்வாகாது என்று பிரதமர் கூறினார். தற்போதைய அரசாங்கம் அத்தகைய தொழிற்கல்வியைத் திட்டமிடவில்லை என்றும் கூறப்பட்டது.

இதன் கீழ், ஆசிரியர்களின் தொழில்சார் பண்பு மற்றும் தரத்தை மேம்படுத்துவதில் முதன்மை கவனம் செலுத்தப்படும் என்று பிரதமர் ஹரிணி அமரசூரிய மேலும் தெரிவித்துள்ளார்.