மாத்தறையில் தற்காலிக மின் தடை :இலங்கை மின்சார சபை
மாத்தறை கிரிட் துணை மின் நிலையத்தை அண்மித்த பகுதிகளில் அதிகரித்து வரும் நீர் மட்டம் காரணமாக, பாதிக்கப்பட்ட பகுதியிலிருந்து மின்சார விநியோகத்தை துண்டிக்க இலங்கை மின்சார சபை நிர்ப்பந்திக்கப்பட்டுள்ளது.
மின்சக்தி மற்றும் எரிசக்தி அமைச்சர் காஞ்சன விஜேசேகரவின் கருத்துப்படி, நிலைமை சீராகும் வரை தற்காலிக மின் தடை நீடிக்கும் என எதிர்பார்க்கப்படுகிறது.
முன்னெச்சரிக்கை நடவடிக்கையாக, மாத்தறை கிரிட் துணை மின்நிலையத்தில் பணிநிறுத்தம் செய்யப்பட்டதைத் தொடர்ந்து, அதன் பணியாளர்களை வெளியேற்றுவதற்கு CEB ஏற்பாடு செய்துள்ளது.
மின்சாரம் துண்டிக்கப்பட்டவுடன் இலங்கை மின்சார சபை ஊழியர்கள் பாதுகாப்பாக வெளியேற்றப்படுவதை உறுதி செய்வதற்காக கடற்படையுடன் இணைந்து படகுகள் மற்றும் பணியாளர்கள் தயார் நிலையில் வைக்கப்பட்டுள்ளன.
குடியிருப்பாளர்களுக்கு ஏற்படும் பாதிப்பைக் குறைப்பதற்காக, அருகிலுள்ள தெனியாய மற்றும் பெலியத்த துணை நிலையங்களில் இருந்து மாத்தறையில் பாதிக்கப்பட்ட பகுதிகளுக்கு மின்சார விநியோகத்தை CEB முன்னெடுத்துள்ளது.
(Visited 10 times, 1 visits today)
