இலங்கை ஜனாதிபதி சந்தித்த கனேடிய உயர்ஸ்தானிகர்
இலங்கைக்கான கனேடிய உயர்ஸ்தானிகர் அதிமேதகு எரிக் வோல்ஷ் அவர்கள் ஜனாதிபதி அனுரகுமார திஸாநாயக்கவை ஜனாதிபதி செயலகத்தில் சந்தித்தார்.
இந்த சந்திப்பின் போது, ஜனாதிபதியின் சமீபத்திய தேர்தல் வெற்றிக்கு தூதுவர் வால்ஷ் தனது வாழ்த்துக்களைத் தெரிவித்ததுடன், கனேடிய அரசாங்கத்தின் மற்றும் அதன் மக்களின் நல்வாழ்த்துக்களையும் தெரிவித்தார்.
ஊழல் மற்றும் பாதுகாப்பின்மை ஆகியவை வெளிநாட்டு முதலீடுகளை ஈர்ப்பதில் குறிப்பிடத்தக்க தடைகள் என உயர்ஸ்தானிகர் சுட்டிக்காட்டினார்.
ஊழலை ஒழிப்பதற்கும், நாட்டில் பாதுகாப்பான சூழலை உறுதி செய்வதற்கும் ஜனாதிபதியின் அர்ப்பணிப்புக்கு அவர் பாராட்டு தெரிவித்தார்.
உத்தேச சீர்திருத்தங்களின் மூலம் சர்வதேச முதலீடுகளை ஈர்க்கும் வகையில் இலங்கை சிறந்த நிலையில் இருக்கும் என தூதுவர் வால்ஷ் வலியுறுத்தினார்.
சர்வதேச நாணய நிதியத்துடன் (IMF) இலங்கையின் ஈடுபாட்டிற்கும், நடந்து கொண்டிருக்கும் கடன் மறுசீரமைப்பு செயல்முறைக்கும் கனடாவின் ஆதரவையும் அவர் மீண்டும் உறுதிப்படுத்தினார்.
(Visited 11 times, 1 visits today)
