கனடா-இந்தியா சர்ச்சை: பிரித்தானியாவின் ஆதரவு யார் பக்கம்

வாஷிங்டன்: சீக்கியப் பிரிவினைவாதத் தலைவர் ஹர்தீப் சிங் நிஜார், கடந்த ஜூன் மாதம் கனடாவில் சுட்டுக் கொல்லப்பட்டதை அடுத்து இந்தியாவிற்கும் கனடாவிற்கும் இடையே அரசதந்திரப் பூசல் நிலவிவருகிறது.

இதையடுத்து, தனது தூதரக அதிகாரிகள் 41 பேரைக் கனடா மீட்டுக்கொண்டது.

இதுகுறித்து அமெரிக்காவும் பிரித்தானியாவும் வெள்ளிக்கிழமை கவலை தெரிவித்துள்ளன.

“இந்திய அரசாங்கத்தின் முடிவையடுத்து கனடிய தூதரக அதிகாரிகள் அங்கிருந்து வெளியேறியதை ஏற்றுக்கொள்ள இயலவில்லை,” என்று பிரித்தானிய வெளியுறவு அமைச்சு தெரிவித்துள்ளது.