ட்ரம்பின் அமைதி வாரிய ஒப்பந்தத்தில் பிரித்தானியா இணையாது!

டொனால்ட் ட்ரம்பின் அமைதி வாரிய ஒப்பந்தத்தில் பிரித்தானியா இணையாது என வெளியுறவு செயலாளர் யெவெட் கூப்பர் (Yvette Cooper) உறுதிப்படுத்தினார்.

இது தொடர்பில் கருத்து வெளியிட்டுள்ள அவர், அமெரிக்க ஜனாதிபதியின்  மத்திய கிழக்கிற்கான 20 அம்ச அமைதித் திட்டத்தை இங்கிலாந்து கடுமையாக ஆதரிக்கிறது.

இருப்பினும் இந்த ஒப்பந்தத்தின் சட்டரீதியான தாக்கங்கள் மற்றும் பரந்த பிரச்சினைகள் காரணமாக இங்கிலாந்து இன்று கையெழுத்திடாது எனக் கூறியுள்ளார்.

இதேவேளை  உக்ரைனில் அமைதிக்கான அர்ப்பணிப்பு இல்லாதது தொடர்பிலும்,  ரஷ்ய ஜனாதிபதி விளாடிமிர் புடினின் ஈடுபாடு குறித்தும் கவலை வெளியிடப்பட்டுள்ளது.