சிரிய தலைநகரில் குண்டுத் தாக்குதல் : அறுவர் உயிரிழப்பு!
சிரியாவின் தலைநரில் இடம்பெற்ற வெடிகுண்டு தாக்குதலில் ஆறுபேர் உயிரிழந்துள்ளதுடன், ஏராளமானோர் காயமடைந்தனர் என அந்நாட்டின் உள்துறை அமைச்சகம் தெரிவித்துள்ளது.
குறித்த தாக்குதல் நேற்று (27.07) இடம்பெற்றுள்ளது.
சிரியாவில் அதிகம் பார்வையிடப்பட்ட ஷியா புனித யாத்திரை தளமான சயீதா ஜெய்னாப் கல்லறைக்கு அருகே வெடிகுண்டு தாக்குதல் நடத்தப்பட்டுள்ளது.
ஏழாம் நூற்றாண்டில் நடந்த போரில் முகம்மது நபியின் பேரனான இமாம் ஹுசைன் இறந்ததை ஷியாக்கள் நினைவுகூரும் போது, டமாஸ்கஸுக்கு தெற்கே கொடிய குண்டுவெடிப்பு நடத்ததாக விவரிக்கப்பட்டுள்ளது.
“அடையாளம் தெரியாத நபர்களால் டாக்ஸியில் வைக்கப்பட்ட வெடிகுண்டு” வெடித்துள்ளதாக கூறப்படுகின்ற நிலையில், இது குறித்த விசாரணைகள் இடம்பெற்று வருவதாக அறிவிக்கப்பட்டுள்ளது.
(Visited 7 times, 1 visits today)
