மியன்மாரில் விபத்துக்குள்ளான படகு : 07 பேர் பலி!

மியன்மாரில் படகொன்று கவிழ்ந்து விபத்துக்குள்ளானதில் 7 பேர் உயிரிழந்துள்ளதுடன் 30க்கும் மேற்பட்டோர் காணாமல் போயுள்ளதாக மீட்புப் பணியாளர் மற்றும் உள்ளூர் ஊடகங்கள் தெரிவித்துள்ளன.

மியான்மரின் தெற்குப் பகுதியான தனிந்தரிக்கு அருகில் உள்ள கடற்பகுதியில் குறித்த படகு விபத்துக்குள்ளானது.

அதில்  70-75 பேர் பயணித்ததாகவும் அவர்களில்  30 பேர் மீட்கப்பட்டுள்ளதாகவும் அதிகாரிகள் கூறியுள்ளனர்.

விபத்துக்கான காரணம் தெளிவாகத் தெரியவில்லை. ஆனால் பொதுவாக அதிகபட்சம் 30-40 பயணிகளை ஏற்றிச் செல்லும் படகில் மக்கள் மற்றும் பொருட்களால் நெரிசல் அதிகமாக இருந்ததாகவும், கடலில் வலுவான நீரோட்டங்கள் இருப்பதாகவும் கிராமவாசி ஒருவர் தெரிவித்துள்ளார்.