மட்டக்களப்பு – கொழும்பு ரயில் சேவை பாதிப்பு – 2 யானைகள் பாதிப்பு

மட்டக்களப்பு நோக்கி எரிபொருளை ஏற்றிச் சென்ற ரயிலில் காட்டு யானைக் கூட்டம் மோதியதில் விபத்து ஏற்பட்டுள்ளது.

கொலன்னாவை எண்ணெய் சேமிப்பு நிலையத்திலிருந்து இந்த ரயில் பயணித்துள்ளது.

கல்லோயா – ஹிங்குரான்கொடை ரயில் நிலையங்களுக்கு இடைப்பட்ட பகுதியில் இன்று அதிகாலை 3.30 மணியளவில் இந்த விபத்து இடம்பெற்றுள்ளது.

இந்த விபத்தில் இரண்டு காட்டு யானைகள் உயிரிழந்துள்ளதுடன், மேலும் பல காட்டு யானைகள் பலத்த காயங்களுக்கு உள்ளாகியுள்ளது.

ரயிலின் நான்கு எரிபொருள் தாங்கிகள் தடம்புரண்டுள்ளதுடன் இரண்டு எரிபொருள் தாங்கிகள் கவிழ்ந்துள்ளது.

அத்துடன் ரயிலின் இயந்திர சாரதி மற்றும் கட்டுப்பாட்டாளர் பயணித்த ரயில் பெட்டிகளும் தடம்புரண்டுள்ளன.

இதேவேளை, மட்டக்களப்பு – கொழும்பு பிரதான மார்க்கத்தில் இயங்கும் ரயில் சேவைகள் நிறுத்தப்பட்டுள்ளது.

அத்துடன் இன்று காலை கொழும்பு கோட்டையிலிருந்து – மட்டக்களப்பு வரை இயக்கப்படவிருந்த ரயில் சேவையையும், மட்டக்களப்பில் இருந்து கொழும்பு நோக்கி இயக்கப்படவிருந்த ரயில் சேவையையும் இரத்து செய்ய ரயில்வே திணைக்களம் நடவடிக்கை எடுத்துள்ளது.

See also  இலங்கையில் 460 சீனர்கள் கைது

தொடர்புடைய செய்திகள்:

ஜனாதிபதி தேர்தலில் போட்டியிட தயார்: தயாசிறி அறிவிப்பு அமைச்சர் டிரனுக்கு எதிராக சட்டத்தரணிகள் சங்கம் ஜனாதிபதியிடம் கோரிக்கை பேராதனைக்கு நியமனம் பெற்றுச் செல்லும் வைத்தியர் அருச்சுனா இலங்கை குடிவரவு, குடியகல்வு திணைக்களம் முன்பு ஏற்பட்ட குழப்பநிலை இலங்கை சிறைகளில் உள்ள பாகிஸ்தானிய கைதிகளின் விடுதலை தொடர்பில் வெளியான முக்கிய அறிவிப்பு! ஸ்ரீபுரா கொலை – பொதுமக்களின் உதவியை நாடும் இலங்கை பொலிஸார்