இலங்கையில் இளநீர் குடிக்கும் பராக் ஒபாமா: சமூக வலைதளங்களில் பரவும் புகைப்படங்கள்

அமெரிக்க முன்னாள் ஜனாதிபதி பராக் ஒபாமா தற்போது இலங்கையில் தங்கியிருப்பதாக வெளியான தகவல் உண்மைக்குப் புறம்பானது என தெரியவந்துள்ளது.

இலங்கையின் சுற்றுலாத் துறையானது கடந்த சில மாதங்களாக பல பிரபலங்கள் இலங்கைக்கு வருகை தருவதன் மூலம் குறிப்பிடத்தக்க வளர்ச்சியைக் கண்டுள்ளது.

இந்நிலையில் அமெரிக்க முன்னாள் ஜனாதிபதி பராக் ஒபாமா தற்போது இலங்கையில் விடுமுறையில் இருப்பதாக சமூக வலைத்தளங்களில் தவறான செய்தி ஒன்று வெளியாகியுள்ளது.

மேலும், இலங்கை சாலையில் உள்ள சிறிய கடை ஒன்றில் இளநீர் அருந்திய புகைப்படங்கள் சமூக வலைதளங்களில் வெளியாகியுள்ளன.

எவ்வாறாயினும், பராக் ஒபாமா இலங்கைக்கு விஜயம் செய்யவில்லை என பல நம்பகமான வட்டாரங்கள் உறுதிப்படுத்தியுள்ளன.

அதே சமயம், தற்போது சமூக வலைதளங்களில் பகிரப்படும் படங்கள் இந்தோனேஷிய படைப்பாளி அகான் ஹராஹாப் என்பவரால் தயாரிக்கப்பட்டவை என்பது தெரியவந்துள்ளது.