பிப்ரவரி தேர்தலுக்குப் பிறகு பதவி விலக விரும்பும் வங்கதேச ஜனாதிபதி
பிப்ரவரி நாடாளுமன்றத் தேர்தலுக்குப் பிறகு தனது பதவிக் காலத்தின் பாதியில் பதவி விலகத் திட்டமிட்டுள்ளதாக வங்கதேச(Bangladesh) ஜனாதிபதி முகமது ஷஹாபுதீன்(Mohammad Shahabuddin) தெரிவித்துள்ளார்.
நோபல் பரிசு பெற்ற முகமது யூனுஸ்(Mohammad Yunus) தலைமையிலான இடைக்கால அரசாங்கத்தால் அவமானப்படுத்தப்பட்டதால் இவ்வாறு முடிவு செய்துள்ளதாக தெரிவித்துள்ளார்.
இந்நிலையில், “நான் வெளியேற ஆர்வமாக உள்ளேன்” என்று அவர் டாக்காவில் உள்ள தனது அதிகாரப்பூர்வ இல்லத்திலிருந்து ஒரு அறிக்கையில் குறிப்பிட்டுள்ளார்.
ஷஹாபுதீன் ஜனாதிபதியாக மட்டுமன்றி வங்கதேச ஆயுதப்படைகளின் தலைமைத் தளபதியாக உள்ளார், ஆனால் அந்தப் பங்கு பெரும்பாலும் சம்பிரதாயமானது, மேலும் நிர்வாக அதிகாரம் பிரதமர் மற்றும் அமைச்சரவையிடம் உள்ளது.
75 வயதான ஷஹாபுதீன், ஷேக் ஹசீனாவின்(Sheikh Hasina) அவாமி லீக் கட்சியின்(Awami League party) வேட்பாளராக 2023ல் ஐந்து ஆண்டு காலத்திற்கு போட்டியின்றி தேர்ந்தெடுக்கப்பட்டார்.
தொடர்புடைய செய்தி
