வீட்டுக் கடன் பிரச்சனையில் சிக்கி தவிக்கும் ஆஸ்திரேலிய மக்கள்

மெல்பேர்னில் வீட்டு விலைகளில் ஓரளவுக்கு குறைவடைந்துள்ள போதிலும், ஈட்டிய வருமானத்திற்கு ஏற்ப வீடு வாங்குவதற்கு பெறக்கூடிய கடன் தொகையை குறைப்பது பெரும் பிரச்சினையாக மாறியுள்ளதாக தெரிவிக்கப்படுகின்றது.

2022 மே முதல் ரிசர்வ் வங்கி வட்டி விகிதத்தை உயர்த்தியதே இதற்குக் காரணம் என்று தெரிவிக்கப்பட்டுள்ளது.

சராசரி வருமானத்தை விட இரண்டு மடங்கு வருமானம் ஈட்டும் ஒரு குடும்பத்திற்குக் கிடைக்கும் கடன் தொகை 307,000 டொலர் குறைக்கப்பட்டுள்ளதாகவும் சராசரி வருமானம் ஈட்டும் நபருக்குக் கிடைக்கும் கடன் தொகையும் 132,000 டொலர் குறைந்துள்ளதாகவும் குறிப்பிடப்பட்டுள்ளது.

CoreLogic தரவு அறிக்கைகளின்படி, Horbart இல் சராசரி வீட்டின் விலை 13.1% குறைந்துள்ளது, அதே நேரத்தில் Melbourne இல் சராசரி வீட்டின் விலை 7.2% குறைந்துள்ளது.

எவ்வாறாயினும், பிரிஸ்பேன், அடிலெய்ட் மற்றும் பெர்த் ஆகிய நகரங்களில் சராசரி வீட்டு விலையில் பெரிய அதிகரிப்பு ஏற்பட்டுள்ளதாகத் தெரிவிக்கப்படுகிறது.

ஏப்ரல் 2022 இல், மெல்போர்னில் சராசரி வீட்டின் விலை 1,000,926 டொலராகவும், அக்டோபர் 2024 இல், மெல்போர்னில் சராசரி வீட்டின் விலை 928,808 டொலராகவும் இருந்தது.