ஆஷஸ் தொடர் – ஆஸ்திரேலியாவின் பந்துவீச்சில் திணறும் இங்கிலாந்து

ஆஸ்திரேலியா மற்றும் இங்கிலாந்து அணிகள் மோதும் பிரபல ஆஷஸ்(Ashes) தொடர் ஆஸ்திரேலியாவில் நடைபெற்று வருகிறது.

அந்தவகையில், 5 போட்டிகள் கொண்ட டெஸ்ட் தொடரின் இரண்டாவது போட்டி பிரிஸ்பேனில்(Brisbane) உள்ள கப்பா(Gabba) மைதானத்தில் ஆரம்பமானது.

அந்தவகையில், பகல் இரவு(Day&Night) போட்டியாக ஆரம்பான போட்டியின் நாணய சுழற்சியை இங்கிலாந்து அணி வென்று முதலில் துடுப்பெடுத்தாட தீர்மானம் செய்தது.

இந்நிலையில், முதலில் களமிறங்கிய இங்கிலாந்து அணி 76.2 ஓவர்களுக்கு சகல விக்கெட்களை இழந்து 334 ஓட்டங்களை பெற்றது.

இங்கிலாந்து அணி சார்பில் ஜாக் கிராலி(Zak Crawley) 76 ஓட்டங்களும் ஜோ ரூட்(Joe Root) 138 ஓட்டங்களும் இறுதியில் அதிரடியாக விளையாடி ஜோப்ரா ஆர்ச்சர்(Jofra Archer) 38 ஓட்டங்களும் குவித்தனர்.

அதனை தொடர்ந்து, தனது முதல் இன்னிங்ஸை ஆரம்பித்த ஆஸ்திரேலிய அணி 117.3 ஓவர்கள் முடிவில் சகல விக்கெட்களையும் இழந்து 511 ஓட்டங்கள் பெற்றது.

மார்னஸ் லபுஷேன்(Marnus Labuschagne) 65 ஓட்டங்களும் ஸ்டீவ் ஸ்மித்(Steve Smith) 61 ஓட்டங்களும் மிட்சேல் ஸ்டார்க் 77 ஓட்டங்களும் பெற்றனர்.

இந்நிலையில், 177 ஓட்டங்கள் பின்தங்கிய நிலையில் இரண்டாவது இன்னிங்ஸை ஆரம்பித்த இங்கிலாந்து அணி அணி மூன்றாம் நாள் முடிவில் 35 ஓவர்களுக்கு 6 விக்கெட்களை இழந்து 136 ஓட்டங்கள் பெற்றுள்ளது.

இங்கிலாந்து அணி சார்பில் ஜாக் கிராலி(Zak Crawley) 44 ஓட்டங்களும் ஓலி போப்(Ollie Pope) 26 ஓட்டங்கள் பெற்றுள்ளனர்.

இறுதியில், மேலும் 43 ஓட்டங்கள் பின்தங்கியுள்ள நிலையில் வெற்றியின் விளிம்பில் ஆஸ்திரேலிய அணி உள்ளது குறிப்பிடத்தக்கது.