உலக சந்தையில் ஸ்ட்ராபெர்ரிக்கு ஏற்பட்டுள்ள கிராக்கி : விவசாய அமைச்சு எடுத்துள்ள நடவடிக்கை

உலக சந்தையில் ஸ்ட்ராபெர்ரிக்கு அதிக தேவை இருப்பதால், ஏற்றுமதிக்காக ஸ்ட்ராபெர்ரிகளை வளர்க்கும் திட்டத்திற்கு விவசாய அமைச்சகம் ஒப்புதல் அளித்துள்ளது.

இத்திட்டத்தை விரைவில் அமுல்படுத்துவதற்கு உள்ளூர் முதலீட்டாளர்கள் குழுவினால் முன்மொழியப்பட்ட முன்மொழிவையடுத்து விவசாய அமைச்சர் மஹிந்த அமரவீரவினால் இந்த திட்டத்திற்கான அனுமதி வழங்கப்பட்டுள்ளது.

“நமது நாட்டில் பயிரிடப்படும் ஸ்ட்ராபெர்ரிகள் நவீன தொழில்நுட்பத்தைப் பயன்படுத்தி பயிரிடப்படாததால் இன்னும் குறைந்த தேவையே உள்ளது. ஸ்ட்ராபெரி ஏற்றுமதி செய்யும் நாடுகளில் இலங்கை 57வது இடத்தில் உள்ளது. ஸ்ட்ராபெரி ஆண்டுதோறும் வேகமாக வளர்ந்து வரும் சந்தையைக் கொண்டுள்ளது மற்றும் மென்மையான பழமாக இது மிகவும் பிரபலமானது. ‘ என அமைச்சர் அமரவீர தெரிவித்துள்ளார்.

அமைச்சில் இடம்பெற்ற சந்திப்பின் போது, அமைச்சுக்கு சொந்தமான நுவரெலியாவில் ஒரு ஹெக்டேயர் காணியை முதற்கட்டமாக முன்னோடி திட்டமாக வழங்குவதற்கு இணக்கம் காணப்பட்டது.

இத்திட்டத்தின் வெற்றியைப் பொறுத்து, தேவைப்பட்டால், 10 ஹெக்டேர் வரை ஸ்ட்ராபெர்ரி சாகுபடிக்கு அளிக்கலாம் என, அமைச்சர் உறுதியளித்தார்.

புதிய தொழில்நுட்பத்தைப் பயன்படுத்தி ஸ்ட்ராபெர்ரி பயிரிடப்பட்டால், ஒரு ஹெக்டேரில் இருந்து ஆண்டுக்கு சுமார் 117,600 அமெரிக்க டாலர்கள் வருமானம் ஈட்ட முடியும். ஒரு ஹெக்டேரில் இருந்து 120,000 கிலோ மகசூல் பெறவும் முடியும். மேலும், ஒரு ஹெக்டேரில் சாகுபடி செய்ய முதலீடு செய்யப்பட்ட தொகை ரூ. 250 மில்லியன் என முதலீட்டாளர்கள் சுட்டிக்காட்டியுள்ளனர்.