இங்கிலாந்தில் இலவச குழந்தை பராமரிப்பிற்கான விண்ணப்பங்கள் கோரப்படுகின்றன!

இங்கிலாந்தில் உள்ள ஒன்பது மாத வயதுடைய குழந்தைகளின் தகுதியுள்ள பணிபுரியும் பெற்றோர்கள் வாரத்திற்கு 15 மணிநேரம் வரை அரசு நிதியுதவியுடன் கூடிய குழந்தை பராமரிப்புக்கான அணுகலை வரும் ஞாயிற்றுக்கிழமை (12.05) முதல் பதிவுசெய்ய முடியும்.

03 -04 வயது குழந்தைகள்

03 -04 வயது இடைப்பட்ட குழந்தையை வைத்திருப்பவர்கள் பராமரிப்பு தேவைக்காக விண்ணப்பிக்க முடியும். ஒரு வாரத்திற்கு 15 மணிநேர இலவச குழந்தைப் பராமரிப்பை நீங்கள் கோர முடியும்.

பெற்றோர்கள் இருவரும் 30 மணிநேரம் வேலை செய்யும்போதோ அல்லது வருடத்திற்கு ஒரு இலட்சம் பவுண்ட்ஸ் ஊதியமாக பெறும்போதே இந்த சலுகையை பெற்றுக்கொள்ள முடியும்.

02 வயது குழந்தை

முன்னதாக, சில சலுகைகளைப் பெற்ற பெற்றோர்கள் மட்டுமே 15 மணிநேர இலவச குழந்தைப் பராமரிப்புக்கு தகுதியுடையவர்கள்.

பணிபுரியும் பெற்றோர் ஆண்டுக்கு £8,670 க்கும் அதிகமாகவும், £100,000 க்கும் குறைவாகவும் சம்பாதித்தால் இந்த சலுகையை பெற்றுக்கொள்ளலாம்.

ஒன்பது மாத குழந்தை

15 மணிநேரச் சலுகை ஒன்பது மாத வயதுடைய குழந்தைகளின் பணிபுரியும் பெற்றோருக்கும் நீட்டிக்கப்படும்.

மே 12 முதல், ஆகஸ்ட் 31 அன்று குறைந்தபட்சம் ஒன்பது மாதங்கள் இருக்கும் குழந்தைகளுக்கு செப்டம்பர் முதல் 15 மணிநேர பராமரிப்புக்கு விண்ணப்பிக்கலாம்.

மேலும் இங்கிலாந்தில் குழந்தை பராமரிப்பு சலுகைக்கான இறுதி மாற்றம் செப்டம்பர் 2025 இல் வெளியிடப்படும், ஐந்து வயதுக்குட்பட்ட அனைத்து குழந்தைகளின் தகுதியுள்ள பணிபுரியும் பெற்றோர்கள் வாரத்திற்கு 30 மணிநேர இலவச குழந்தைப் பராமரிப்பைப் பெற முடியும்.

இந்த தகவல்கள் இங்கிலாந்தில் வசிக்கும் பெற்றோர்களுக்கு மாத்திரமே பொருந்தும்.