இலங்கை ஜனாதிபதியாக பதவியேற்றப்பின் முதல் வெளிநாட்டு விஜயமாக இந்தியா செல்லும் அனுர!
இந்திய வெளிவிவகார அமைச்சர் கலாநிதி எஸ். ஜெய்சங்கரின் அழைப்பை ஏற்று, பிரதமர் நரேந்திர மோடியுடன் கலந்துரையாடுவதற்காக ஜனாதிபதி அனுரகுமார திஸாநாயக்க தனது முதலாவது உத்தியோகபூர்வ வெளிநாட்டு விஜயத்தை புதுடில்லிக்கு மேற்கொள்ளவுள்ளதாக தெரிவிக்கப்படுகிறது.
இந்திய வெளிவிவகார அமைச்சர் ஜெய்சங்கர் இலங்கைக்கு உத்தியோகப்பூர்வ விஜயத்தை மேற்கொள்ளவுள்ள நிலையில் ஜனாதிபதி அனுரகுமாரா திஸாநாயக்கவை சந்திக்கவுள்ளார். இந்நிலையிலேயே மேற்படி அறிவிப்பு வந்துள்ளது.
இந்தியாவின் அண்டை நாடு முதல் கொள்கை மற்றும் SAGAR கண்ணோட்டத்திற்கு ஏற்ப, பரஸ்பர நன்மைக்காக நீண்டகால கூட்டாண்மையை மேலும் ஆழப்படுத்த இரு நாடுகளின் பகிரப்பட்ட உறுதிப்பாட்டை ஜெய்சங்கரின் வருகை அடிக்கோடிட்டுக் காட்டுகிறது என இந்திய உயர் ஸ்தானிகராலயம் வெளியிட்டுள்ள அறிக்கையில் தெரிவிக்கப்பட்டுள்ளது.
இந்த விஜயத்தின் போது, இலங்கையில் இந்திய நிதியுதவி திட்டங்கள் மற்றும் அதன் முன்னோக்கி செல்லும் பாதை குறித்தும் ஜெய்சங்கர் விவாதிப்பார் என தகவல்கள் தெரிவிக்கின்றன.
தேதிகள் இன்னும் இறுதி செய்யப்படாத போதிலும், ஜனாதிபதியின் முதல் வெளிநாட்டுப் பயணம் நவம்பர் 14 ஆம் திகதி பாராளுமன்றத் தேர்தல் முடிவடைந்த பின்னரே திட்டமிடப்படும் என தகவல்கள் கூறுகின்றன.
(Visited 28 times, 1 visits today)
