இலங்கை காலநிலை தொடர்பில் வளிமண்டலவியல் திணைக்களம் விடுத்த அறிவிப்பு

இலங்கையில் சில பகுதிகளில் இன்று மழை பெய்யக்கூடும் என வளிமண்டலவியல் திணைக்களம் எதிர்வு கூறியுள்ளது.

வளிமண்டலவியல் திணைக்களம் விடுத்துள்ள அறிக்கையில் இந்த விடயம் தெரிவிக்கப்பட்டுள்ளது.

இதன்படி தென் மற்றும் ஊவா மாகாணங்களிலும் இரத்தினபுரி மாவட்டத்தின் சில இடங்களிலும் இன்று மாலை அல்லது இரவு வேளையில் மழை அல்லது இடியுடன் கூடிய மழை பெய்யக்கூடும்.

அத்துடன் நாட்டின் ஏனைய பகுதிகளில் சீரான வானிலை நிலவும் என குறிப்பிடப்பட்டுள்ளது.

மேல், சபரகமுவ, மத்திய, தென் மற்றும் ஊவா மாகாணங்களின் சில இடங்களில் காலை வேளையில் பனிமூட்டமான நிலை நிலவும் என வளிமண்டலவியல் திணைக்களம் தெரிவித்துள்ளது.