இலங்கையில் மயக்க மருந்து பற்றாக்குறை – நெருக்கடியில் கொழும்பு தேசிய வைத்தியசாலை

கொழும்பு தேசிய வைத்தியசாலையில் மயக்க மருந்து பற்றாக்குறையினால் கடும் நெருக்கடி நிலை ஏற்பட்டுள்ளது.

சத்திரசிகிச்சைகளை இரத்து செய்ய நேரிட்டதாக இன்று பிற்பகல் அறிவிக்கப்பட்டது.

Isoflurane மயக்க மருந்திற்கே தட்டுப்பாடு நிலவுவதாக தெரிவிக்கப்பட்டது.

இது தொடர்பில் சுகாதார அமைச்சின் வைத்திய விநியோக பிரிவின் பிரதி பணிப்பாளர் நாயகம் டொக்டர் ஜி.விஜேசூரியவிடம் வினவியபோது, குறித்த மயக்க மருந்து கொழும்பு துறைமுகத்திற்கு கொண்டுவரப்பட்டுள்ளதாகவும் அவற்றை இன்றைய தினத்திற்குள் பகிர்ந்தளிப்பதற்கு நடவடிக்கை எடுக்கப்பட்டுள்ளதாகவும் அவர் தெரிவித்தார்.

மருந்துகளை விடுவிப்பதற்கான ஆவணங்களை இறக்குமதியாளர்கள் சமர்ப்பிக்காமையால், மருந்துகளை பகிர்ந்தளிப்பதில் தாமதம் நிலவுவதாக அவர் கூறினார்.

தொடர்புடைய செய்திகள்:

தரமற்ற மருந்துகளை விநியோகித்த இந்தியானா நிறுவனம் : விசாரணைகள் ஆரம்பம்! இலங்கை முழுவதும் 14 ஆயிரம் மின்தடை சம்பவங்கள் பதிவு – காஞ்சன விஜேசேகர! யாழ்ப்பாணம் குறித்து தென்னிந்திய திரைப்பட நடிகையும் பேச்சாளருமான கஸ்தூரியின் கருத்து முல்லைத்தீவில் கோலாகலமாக நடைபெற்ற அமரர் ஜேம்ஸ் ஞாபகார்த்த உதைபந்தாட்ட இறுதி போட்டி.