மேலும் தீவிரமடையும் ஈரான்-பாகிஸ்தான் மோதல்

ஈரான்-பாகிஸ்தான் நெருக்கடி தொடர்ந்து தீவிரமடைந்து வருகிறது.

பாகிஸ்தானில் உள்ள தீவிரவாத இலக்குகள் மீது ஈரான் நடத்திய தாக்குதலுக்கு பாகிஸ்தான் பதிலடி கொடுத்தது.

அதன்படி, பாகிஸ்தானின் நடவடிக்கைகளுக்கு ஈரான் கடும் எதிர்ப்பு தெரிவித்துள்ளதாக வெளிநாட்டு ஊடகங்கள் தெரிவித்துள்ளன.

இதுகுறித்து ஈரான் வெளியுறவு அமைச்சகம் வெளியிட்டுள்ள அறிக்கையில், எல்லையில் வசிக்கும் மக்களை குறிவைத்து பாகிஸ்தான் நடத்திய ஆளில்லா விமான தாக்குதலை கண்டிப்பதாக ஈரான் வெளியுறவு அமைச்சகம் தெரிவித்துள்ளது.

இது சமச்சீரற்ற மற்றும் ஏற்றுக்கொள்ள முடியாத நடவடிக்கை என்றும் ஈரான் வெளியுறவு அமைச்சகம் தெரிவித்துள்ளது.

ஈரான் தனது மக்களின் பாதுகாப்பையும் அதன் பிராந்திய ஒருமைப்பாட்டையும் சிவப்புக் கோடாகக் கருதுவதாக ஈரானின் வெளியுறவு அமைச்சகம் தெரிவித்துள்ளது.

முகாம்கள் அமைப்பதையும் பயங்கரவாதக் குழுக்களை நிலைநிறுத்துவதையும் தடுக்கும் பொறுப்புகளை பாகிஸ்தான் அரசு நிறைவேற்றும் என எதிர்பார்ப்பதாக ஈரான் வெளியுறவு அமைச்சகம் கூறியதாக வெளிநாட்டு ஊடகங்கள் செய்தி வெளியிட்டுள்ளன.