கனடாவில் இடம்பெற்ற விபத்தில் காயமடைந்த தமிழர் மரணம்

கனடாவின் – Mississauga நகரில் இந்த மாதத்தின் ஆரம்பத்தில் நடந்த வாகன விபத்தில் காயமடைந்த தமிழர் சிகிச்சை பலனின்றி மரணமடைந்தார்.

இந்த விபத்து Mavis & Hwy 407 சந்திப்புக்கு அருகாமையில் இந்த மாதம் 4ஆம் திகதி அதிகாலை நிகழ்ந்தது. சின்னராசா சர்வேந்திரராஜா என்பவரே இவ்வாறு உயிரிழந்துள்ளார்.

இவர் யாழ்ப்பாணம் , வசாவிளானை பிறப்பிடமாக கொண்டவராவார். விபத்தில் படுகாயமடைந்த நிலையில் இருவர் மருத்துவமனையில் அனுமதிக்கப்பட்டனர்.

அவர்களில் சின்னராசா சர்வேந்திரராஜா உயிரிழந்துள்ளதான குடும்பத்தினர் உறுதிப்படுத்தியுள்ளனர்.

இந்த விபத்தில் காயமடைந்த இரண்டாவது வாகனத்தின் சாரதி படுகாயமடைந்த நிலையில் தொடர்ந்து வைத்தியசாலையில் அனுமதிக்கப்பட்டுள்ளார்.

இந்த விபத்துக்கான காரணம் குறித்து Peel பிராந்திய காவல்துறையினர் உத்தியோகபூர்வ அறிக்கைகள் எதனையும் வெளியிடவில்லை.