இரண்டுவருடங்களாக விசா இன்றி இலங்கையில் தங்கியருந்த இந்திய பிரஜை கைது!

சட்டவிரோதமாக  கடந்த 02 ஆண்டுகளாக இலங்கையில் தந்தியிருந்த  இந்திய பிரஜை ஒருவர் இன்று (15.07) கைது செய்யப்பட்டுள்ளார்.

இந்தியாவில் இருந்து சுற்றுலா விசாவில் இலங்கைக்கு வந்த குறித்த நபர் நண்பர் ஒருவருடன் மட்டகளப்பில் தங்கியிருந்துள்ளார்.

நண்பர்கள் இருவரும் சந்தேகத்திற்கு இடமான முறையில் நடமாடிய நிலையில். மட்டகளப்பு பொலிஸார் அவர்களை கைது செய்து விசாரணைகளை நடத்தியுள்ளனர்.

இதன்போது கடந்த இரண்டு ஆண்டுகளுக்கு முன்பு  கிருஷ்ணகிரி மாவட்டத்தைச் சேர்ந்த செல்லப்பன் செல்வதுரை என்ற நபர் இலங்கை வந்தது தெரியவந்துள்ளது.

இதனையடுத்து அவரை கைது செய்துள்ள பொலிஸார் நீதிமன்றத்தில் முன்னிலைப்படுத்த நடவடிக்கை எடுத்துள்ளனர்.

இது தொடர்பான மேலதிக விசாரணைகளை மட்டக்களப்பு தலைமையக பொலிஸார் மேற்கொண்டு வருகின்றனர்.